ما نوع هذا الأمزون ؟

[أبو علي الكروان]

السلام عليكم ,
اثناء مروري على احد المحلات بالامس ... بهدف شراء ببغاء
رأيت احد الفروخ .. اخبرني صاحب المحل ان هذا الفرخ هو الأمزون لكن لا يعرف من اي فصيلة

كان لو الفرخ اخضر وفي مقدمة الرأس لون ابيض

بحثة في الانترنت فوجدت صورة قريبة للفرخ الذي رايته امس
هذه هي الصورة ( لكن بالتاكيد ما رايته بالامس كان اصغر من هذا-فرخ- )


السؤال ...
مانوع هذا الامزون ؟(لم ارى في المنتدى يتحدث عنه)
هل هو كباقي انواع الامزونات من ناحية وضوح التحدث
هل السعر مطلوب فيه مناسب (1200 ريال )
مافي مميزاته ؟

اسف على الاطالة
وشكرا

[كاسكـــو]

انا بصراحه مابعد شفت مثل هذا النوع ولا جربته

لكن بقول لك حسب استنتاجي من كلامك

بما انك تقول فرخ وبـ 1200 ريال لا اعتقد انه بهذاك المستوى المطلوب

لأنه كما تعرف فروخ الامازوني المرغوبه تكون غاليه بالسعر

[ابو سفر]

عليكم السلام ....

اخوي انا شفت فرووخ في المحلات عندنا محجله ...اسعارها من 900 ريال ..

وهيا فصيلة من فصيلة الامزونات ..وانت اذا عجبك ومقتنع فيه توكل على الله واشتريه ..

[امزوني وبس]

اول مره اشوف مثله

بس مانصحك فيه وبسعره تحصل افريقي والافرقي معروف بالقدره على الكلام

[أبو علي الكروان]

كاسكو :
تسلم اخوي على الرد , ممكن يكون السعر مقياس لكن المكان تقريبا صار له شهر فاتح يعني يحاول يكسب زبائن , طيب لقيت امازون يلو ناب عمر تقريبا 8 اشهر بـ 4000 ريال , هل سعره مناسب ؟...

ابو سفر ,
نعم اخوي انا تاكد من انه نوع من انواع الامزونات .. بحثت عنه وليقت له صور ومقاطع فيدو قليلة جدا

اخوي امازوني وبس ,
الاصل انا كنت متوجه لشراء درة مطوقة بس للاسف المحل ماعندهم الا فروخ (التطعيم بالابرة) وانا صراحة عندي دوام وما اقدر اشتري واحد لازم ااكله كل 3-4 ساعات .. وماكو احد يعتني به في البيت لذلك
اما عن الافريقي , صراحة بعد المواضيع الا قراها بشكل اسبوعي في المنتدى عن وفاة هذا النوع ترددت وبقوة

[bu_rshad]

انا اشوف إذا ما تعرفه وما تعرف مميزاته لا تاخذه

[CHUKY]

المشاركة الأصلية كتبت بواسطة bu_rshad

انا اشوف إذا ما تعرفه وما تعرف مميزاته لا تاخذه

وانامن رأيه منت مقتنع لاتشتريه ولاكناحب اضيف شيء بسيط لاانك اذا حبيته خله لان في النهايه يمكن ماتلقى واحد يعجبك

[مجنون عويشق]

السلام عليكم ورحمة الله

ياغالي هذا احد الامزونيات

وهو يعتبر من الانواع النادره نوعا ما في موطنها

وياجماعه كفايه تأليف من انواع لاتعلمون عنها شيء

ومايصح نقول عن هالنوع انه غير متكلم

والسبب القليل جدا يربي مثل هذه النوعيه فالبتالي القللي الذي يعرف كل التفاصيل عنه


وهو غالبا احد انواع white fronted amazon
ولكن ليس هو بالظبط فقد يكون احد انواعه


بالتوفيق

[كاسكـــو]

المشاركة الأصلية كتبت بواسطة مجنون عويشق

السلام عليكم ورحمة الله

ياغالي هذا احد الامزونيات

وهو يعتبر من الانواع النادره نوعا ما في موطنها

وياجماعه كفايه تأليف من انواع لاتعلمون عنها شيء

ومايصح نقول عن هالنوع انه غير متكلم

والسبب القليل جدا يربي مثل هذه النوعيه فالبتالي القللي الذي يعرف كل التفاصيل عنه


وهو غالبا احد انواع white fronted amazon
ولكن ليس هو بالظبط فقد يكون احد انواعه


بالتوفيق

اخوي محد قال انه غير متكلم ولا احد قعد يألف من عنده وشفيك

قلنا سعره مايساعده انه من افضل الببغاوات الامازون لانه فرخ ورخيص

وقلنا اذا ماتعرف للطير لاتاخذه

وانت تقول امازوني ماجبت جديد الرجال كاتب انه احدى انواع الامازوني

هو الحين يسأل عنه ويقول

اي فيصله ينتمي

وهل هو متحدث جيد

وهل السعر مناسب

يالله جاوب على الاسئله

[كاسكـــو]

ابو علي يلوناب بـ 4000 وعمره 8 شهور

اممم والله كنه رخيص بس اي درجه هو ؟

لأن اليلوناب تجي 3 درجات او بمعنى اوضح 3 انواع