اقتراح الي مربين الببغاوات ارجو الدخول

[Mr. MeMo]

اخواني اخواتي

اول شي بسألكم ليه الاقسام الاخري يسون مسابقات لاجمل قطو و اجمل قرض و احنا ما نسوي للببغاوتنا هل قططهم و هامستراتهم افضل , يعني ليه ما ندلع ببغاوتنا زي ماهم يدلعون قطاوتهم

طبعا المقدمه وضحت اقتراحي بس بشرح لكم الفكره بشكل اوضح :

تكون مسابقه لافضل مقطع فيديو للببغاوات المشتركين و مو شرط يكون الببغاء يتكلم ممكون تكون حركه بهلوانيه او مقطع مضحك و لعبه معينه مع الببغاء طبعا الشروط و غيره بعدين اللحين اول شي
راي المشرفين علي المنتدي و ايضا موافقه مشرفنا ( تاكو ) بالموافقه لعمل المسابقه وثم ارئكم

اتمني من المشرفين الموافقه علي المسابقه , تاكو نحتاج دعمك للموضوع
الي عنده استعداد يشارك يدخل ( قوي قلبك ) اظهروا مواهب ببغاوتكم

علي قوله فطوم نبي اكشن

[بوفهد]

سيتم النظر بالموضوع من قبل الاداره ومناقشته مع الاخوه ذوي الاختصاص من المشرفين

وابشر بالخير ان شاء الله الاداره حريصه على هذه المسابقات الجميله وتشجعها بقوه

بالتوفيق

[Mr. MeMo]

تسلملي يا بوفهد والله فيك الخير و ما تقصرون الله يعطيكم العافيه

يله يا شباب و شابات نبي حركات و استعراضات ببغاوتكم وتري فرصه دربون ببغاوتكم حركات و كلمات جديده

[الرحال2222]

مافية مسابقة لاحسن بغبغاء يجعر عندي واحد ابكسربة روس بغبغاواتكم بالتجعير والعض
اتحداكم فية احسن مجعر بالعالم شكلي ابسمية جعرور



Mr. MeMo
واللة الفكرة حلوة وعجبتني والمسابقة لسة ما بدت ياليت تشوف النور قريبا
بس على ما اظن راح يكون طير اللوري هو الفائز فيها لانة اكثرها اشوفة يلعب على مدار اليوم
وتمنيت اني اكون اخذتة وتركت الافريقي بس النصيب زي الزواج تمام

[بو ناصر]

تسلم Mr. MeMo على الفكرة الرائعة الصراحه وخليتنا نتحمس لان احنا مانصدق الببغاء يصير اليف بس نبيه يتكلم فكرتك جدا رائعة وممتازة
وهذا التميز مش غريب عليك وانشالله المشرفين مايقصرون بس الموضوع يبيله اشوي ترتيب ووقت وانشالله خير

الرحال والله شكلك ابتلشت مع جعرور انشالله خير وبالتوفيق للجميع

[Mr. MeMo]

تسلموا يا شباب والله يعطيكم العافيه

الرحال

الفكره مش مين يفوز الفكره ان احنا نحاول نبدع بتعليم ببغاوتنا و نحاول نخليهم يتقنون بعض الحركات و الرقصات ( فيفي عبده ) علي غفله, بس يعجبني حماسك يله جهز ابو الجعارير.

خالد

ايه الموضوع زي ما قلت يبيله وقت و ترتيب بس اهم شي انه يتفعل و انا افضل عمله بعد الاختبارات
عشان نعطي الشباب فرصه يركزون في مذاكرتهم بس نبي حماس اكثر و تشجيع للفكره و مشكور علي الكلام الحلو تسلملي والله

[~TARIK~]

حلو ميمو اتمنى التوفيق

[fan]

يالله مستر ميمو احنا معاك
والله فكرة حلوة لكن مثل ماقلت بعد الأمتحانات

[تاكو]

ميمو فكرتك جداً جميله
وقد ارسلت لك كيفية بلورة الفكره
وسوف اطرحها على المشرف العام
وشاكر لك اهتماماتك

[Mr. MeMo]

اخي تاكو

تسلم والله يعطيك العافيه سوف اتبني الفكره كامله و علي ما تخلص
الامتحانات تكون المسابقه جاهزه بس ناخذ الموافقه من المشرف العام

اخواني الاعضاء

تري العدد محدود و مافي واسطات خلكم جاهزين بعد الامتحانات
( شكلي بكون المتسابق الوحيد و بفوز بدون منافس )