انا اول مره اربي كروان . عندي واحد فقط . اتمنى نصائحكم .

[ابو عقيل الهاشمي]

انا من مكه المكرمه .. ونادرا ما اجد احد هنآ يقتني حيوانات .. وخاصه الكروان والطيور ..
لا اعرف السبب ربما انشغال الناس بامور اكثر اهميه غالبا .. وبطبيعة الحياه والمناخ وكل شيء ..

المهم ..

لم اجد الا هذا الموقع الرائع الله يكتب اجر كل القائمين عليه ..

وايضا سهولة الاشتراك والتفعيل السريع بقمة الروعه والله .. ويدل انه منتدى راقي جدا ..

انا اشتريت من اسبوع تقريبا بهذا الحدود .. اشتريت كروان .. السبب اني سمعت طفل بيقول
الكروان ممكن يتم تدريبه مثل الببغاء بالضبط . طبعا استغربت من كلامه وبعد بحث بقوقل اتضح لي عالم الكرواااان الجميع .. تعلقت فيه واشتريت لي واحد فورا وبعجله شديده ..
لدرجة والله ما كنت اعرف ذكر او انثى وكم عمره ..


اول شيء سويته وديته عند بيطري وقالي ان الكروان تبعي سليم وكشف على الصوت والجناحات وكل كل شيء .. وطلع الكروان تبعي ذكــــــــــــــــــــر

طبعا بعد كذآ بدات اقرا هنا في الموقع .. عندي استفسارات ... الله يسعدكم

انا اضغ الكروان في غرفة نومي وهو حفظ مكان القفص وحفظ الغرفه يعني لو خرج من القفص يقدر يرجع .. طبعا هو شرس ومازال .. لكن مع نصايحكم هنا قدرت اروضه بالقفازات والقليل من العسل .. واصبح اكثر هدوء ..
اول شيء .. بما انه في غرفتي وغرفتي مايدخلها شمس .. هل هالشيء مضر له ؟
مع العلم اني اضعه في وقت الظهيره بالقرب من النافذهـ ..

ثاني شيء .. بالنسبه للعمر قرات موضوع هنا عن كيفية العمر وهل العرف تبعه طويل وهل جناحه وذيله غير مستويه او لا .. لكن مازلت لا اعرف هل هو كبير بالعمر او صغير او متوسط ..
بانزلكم الصوره تبعته هنا وانتم خبروني ..

ثالث شيء .. هل يأكل الخضار بأي عمر ام له عمر محدد .. لاني وضعت له خضار مسلوق سلق خفيف .. ومقطع صغير جدا .. لاني خفت انه يختنق فيها .. لكن ماشفت منه اقبال وراح ياكل من الحبوب مثل العاده ..

رابع شيء .. جو مكه المكرمه متعب لانه حار .. وانا اشغل التكييف في الغرفه لكن بدرجه معتدله .. هل التكييف بحد ذاته مضر او حسب البروده ؟

اردت الكتابه في موضوع .. ( كيف تعرف عمر الكروان تبعك ) .. لكن بمآ ان القوانين تمنع رفع المواضيع القديمـه خفت ان يعتبر ردي مخالف للقوانين ..
عشان كذآ كتبت موضوع جديد ..



وشكرآ