رجعت لكم مع بيض دجاجي .. مشكلتي يرمون البيض مايجمعونه بمكان واحد

[تووتـي0510]

السلام عليكم ورحمة الله وبركاته


اليوم الحمدالله وماشاء الله تبارك الرحمن باضو دجاجي اللي ربيتهم واهم كتاكيت صغار والحين صار عمرهم 7 أشهر

وهذا رابط لموضوع فيه صورهم واهم صغار ولين كبرو ..

والدجاجه اللي باضت الكتكوت الوردي اللي بالصوره بهالرابط وكبر وصار دجاجه بيضاء

http://www.2zoo.com/vb/showthread.php?t=273842




وهذه صور البيض






ومشكلتي معهم جا العامل ولقاا البيض مو بشبك حق الدجاج لقاهم قدام الشبك جمب بعض ووحده لقاها بعيد عنهم شكلها بيضت دجاج الجيران ههههه اللي بالعزبه الثانيه لاني انا حاطه دجاجي بالعزبه مو بالبيت ..

المهم العامل شاف انه الدجاجه البيضا هي اللي جالسه جمب البيض وعندي دجاجه بنيه ماباضت للحين ..


العامل جمع البيض وحطهم بكرتونه وضبطها داخل الشبك اللي حق الدجاج



تتوقعون تجلس الدجاجه عليه ؟؟؟

هل ممكن تحط باقي البيض بنفس المكان بالكرتونه ؟؟


شو الحل مع البيض الي ينرمى بكل مكان بالارض مو بمكان واحد ؟؟


وش من اكل اعطيهم الحين دام انهم بدأو يبيضون ؟؟

[أخو حب استطلاع]

نفس مشكلتك انا الدجاجه كل يوم تبيض بمكان

[bird96]

عادي هي مشكلة لأنك انت حابهم يبيضو ب مكان معين ولا هم مبسوطين .. انت وفر لهم زي العش اللي موفر لهم اياه وما فيه مشكلة وخلي دائما اجدد بيضة يعني فيه 5 بيضات اخذ 4 وخلي الجديده انا كنت اسوي هيك وهي طريقة صحيحه ل تشجيعهم على البيض على البيضة الموجوده

[صياد السمك]

ماشاء الله علىك مربي ممتاز ماشاء الله

[عبدالالـه]

السلام عليكم
اخواني اذا بغيت الدجاجه تحط الدجاجه بيضهاها فمكان مخصص
اولا خصصلها مكان ثانيا ضع بيضه من البيض حق البقاله
اارجو اني افدكم

[تووتـي0510]

مشكوووورين على الردور والنصائح

انا اليوم رحت للعزبه وشفتهم لقيتهم بايضين بالكرتون مكان البيض اللي حطيته قبل

واكتشفت انه دجاجاتي كلهم باضو انا عندي ثنتين وحده بيضا والثانيه بونيه

بس لقيت الدجاجتين بايضين مع بعض بمكان واحد فأستغربت كيف مين اللي بتجلس على البيض وهل اهم يجلسون والا لا انا ماادري لانه ارجع للبيت ومانجي لهم الا نهار وباليوم مره وحده واحيانن مااجيهم الا بعد يومين فماادري عنهم

المهم انا ضبطت لهم المكان سويت عش ثاني بالكرتونه تحت رمل مع صحن دائري حطيت فيه شوي رمل وشوي قش ومفتوح من فوق ومن الامام

ولقيت 5 بيضات بيضتين حق الدجاجه البنيه وثلاث بيضات حق الدجاجه البيضا

وشلت ثلاث بيضات وخليت بكل كرتون بيضه يعني بكرتون بيضه بنيه اللي حق الدجاجه البنيه وبيضه بيضاء اللي حق الدجاجه البيضاء


الحين هل راح يميزون الدجاجات انه كل دجاجه لحالها والا راح يرمونها رمي ههههههه بأي عش يلقونه




هذه الكرتونه اللي باضو فيها قبل وفيها بيضه الدجاجه البيضا




وهذه الكرتونه اللي سويتها اليوم وفيها بيضة الدجاجه البنيه





وانا كتبت علي البيض تاريخ عشان اعرف متى باضتهم وكل بيضه جديده بعد بكتب عليها