مساعده بخصوص رائحة الهامستر

[FrEe LeGeNd]

السلام عليكم


كيف حالكم يا اعضاء

من فتره طويييله يمكن 5 سنين كانت اخر مره اشتري فيها هامستر

امس اخوي الصغير اشترى له واحد

وحاطه بكرتون الله يهديه

وعارف انه مهمل اشتراه وما راح يهتم فيه فلازم انا اهتم

دورت قفص مناسب من الي عندي ورتبت النشاره وحطيت المشربيه
وصحن الاكل والاكل

ولقيت عجله قديمه غسلتها وركبتها كل شئ جاهز


المهم القفص بغرفتي اول ما حطيت الهامستر بالقفص

رحت تعشيت ورجعت لما رجعت قربت للقفص اشم ريحه بول الهامستر قويه مع انو توني حاطه بالقفص
النشاره جديده

صراحه لما شميتها صدعت وعورني صدري
غيرت مكان القفص عشان ما اشم ريحه البول ونمت لما صحيت الصباح
طلعت برى غرفتي لما رجعت لقيت ريحه بوله منتشره في غرفتي فتحت الشباك وطلعت القفص برا الغرفه

ثم رجعته وحطيته قريب من باب الحمام وفتحت الهوايه عشان الريحه تروح ما تنتشر بالغرفه

وبرضو الهامستر نومه كثير ولاحظت بطراف اذنيه قطع شكله كان يتهاوش لما كان بالمحل
مع ذكور غيره

عارف اني طولت عليكم الحكي

لاكن ابي حل استغربت اول مره هامستر تكون ريحه بوله مثل كذا كريهه جدا مع ان نوع الهامستر روسي
اتوقع انو البول لازق بجسمه وصعبه انظفه بالمويه

ياليت تعطوني حل مناسب لان عجبني شكل هالهامستر وادور له انثى لونها مميز
واذا ما شفت حل لهالريحه صرفته عند اي احد ولا بعته