سؤال بخصوص تدريب القطط على البقاء فى المنزل وايضا العدائيه

[Sanguinius]

السلام عليكم
انا بفكر اجيب قط نوعه كويس بس المشكله انه انا ساكن فى الدور الارضى و ممكن القط ينزل الشارع و طبعا لو نزل مش هيكون نضيف و مش هينفع استفيد بيه كليا فهل ممكن ادرب القط على عدم النزول للشارع ؟ و الاحسن يكون هل ممكن ادربه يعمل فى الرمل فى الشارع و يجى ؟ اعتقد صعبين بس مناش خبير و مستنى اسمع منهم و بالمره انا عايز اعرف هو ايه اشرس فصائل القطط ؟ قصدى انا عايز اجيب قط شرس جدا مع القطط الاخرى و لو دخل قط او قطه يقطعهم لانه البيت محتل عندى قطتين والدين فى البيت اصله صعبوا على لانه الجوا برد و عموما هما بيجوا يحطوا العيال و لما يكبروا شويه يمشوا بس مناش عايزهم لانه ممكن يجيبوا امراض و كمان ممكن يسببوا فوضى من فضلات و كمان بيخطفوا الاكل فهل ممكن اجيب قط شرس جدا يطرد القطط التانيه و هل من الممكن تدريب القطط لتصبحه شرسه ؟ و سؤال اخير معلش هو لو القط كان شرس بيختلف سلوكه معايا-يعنى ميسبنيش العب معاه- ؟ اصله انا كان عندى قطتين و كانوا متربين فى البيت -نوعهم بلدى- لغايه ما كبروا شويه و ابتدوا ينزلوا الشارع و يتخانقوا مع القطط و كده و بعد كده مبقتش اعرف احملهم و بقوا يقاموا و اوقات يخربشوا و كذلك لو لمست جانب جسم واحده فيهم فهل فيه علاقه ؟ و عموما علشان اسهل على الى عايز يجاوب ادى اسئلتى مرقمه

1-هل ممكن ادرب القط على عدم النزول للشارع ؟
2- هل ممكن ادربه يعمل فى الرمل فى الشارع و يجى ؟
3-ايه اشرس فصائل القطط اذا كانت فى حاجه زى كده ؟
4-فهل ممكن اجيب قط شرس جدا يطرد القطط التانيه قصدى لما يخشوا يهاجمهم ؟
5-هل من الممكن تدريب القطط لتصبحه شرسه ؟
6-هو لو القط كان شرس بيختلف سلوكه معايا و ممكن يهاجمنى ؟

و اسف اذا كان الموضوع موجود قبل كده و مدورتش عليه كويس