تحذير الى الجميع

[بو ناصر]

السلام عليكم ورحمة الله

اخوني الأعضاء و الزوار اتمنى ان الكل ياخذ الحذر عند شراء اي طائر جديد مهما كان نوعه لأن موضوع صار يخوف الصراحه و اتمنى من الجميع الي يقرا هذا الخبر انه يبلغ اي واحد يعرفه للمصلحه العامة السالفة هي:-

قبل يومين كنت في الدوام واجهت واحد من الربع وكان يسولف من قبل انه يبغي يشتري ببغاء وكنت انصحه بالكاسكو طبعا المهم لما شافني خبرني ان الدولة اعدمت حوالي 40 طير من الصقور لأن فيهم مرض انفلونزا الطيور وانتوا عارفين ان الحين موسمهم وانا الصراحه خفت بس قلت يمكن كلام بس يعني اشاعه وفي نفس اليوم كنت جالس مع الربع في المجلس الا واحد من حماية البيئة دخل علينا ويطري علي الموضوع قلت خلني اسئلة عن السالفة الا ايأكدلي ان الموضوع صحيح 100% وقالي حتى طريقة الاعدام كيف لكن خبرني ان الفحص كان بالنظر وان الجهاز المخصص للفحص ماوصل لين الحين لكن الحذر واجب

فأرجوا من الجميع الحذر ثم الحذر ثم الحذر يعني المرض الله يكفينا شرة موجود في الخليج طبعا ولاكن اعتقد انهم مسيطريين عليه لاكن من خاف سلم فارجوا اخذ الحذر
وهذا والله الكلام الي جاني

وانا والله مالي اي مصلحه في هذا الخبر الا لخدمة الجميع
اللهم قد بلغت اللهم فاشهد
والله يحفظ الجميع من كل شر
ودمتم سالمين