نداء استغاثه...!

[RIZE]

السلام عليكم


شلونكم شباب وبنات ....

انا تونى امسجل بهذا المنتدى ..... والسبب علشان قطوة مشردة >_>

وإذا قدرتوا تساعدونى .. فإن شاء الله احتفظ بها

اما إذا لأ ... فا احتمال بنسبه 80% اشوتها فنقر .. وال20% الباقيه انى ابيعها مواهاهاهاها

راح اقول لكم سالفتى ....

سلمكم الله من 3 ايام شفت بشارعنا قطو شيرازي لونه سكري محروق .... وطبعا القطو كان اجرب وقذرا .. يعنى لو امخليه اسبوع زياده .. جان الحين تلقونة حاط سيجاره بحلجه ولاا يتعاطى مخدرات P: .. ألى اقصده انه يصير شرير وحاله حال قطاوة الشوارع


المهم انا سألت عيال شارعنا عن هذا القطو (( مع انى ادري انه محد بشارعنا يهتم بمثل هذى الامور )).... هل في احد امضيعه .. او يعرف عنه شي
وكلهم اجابوا بالنفي وما يعرفوا عنه شي
فأنا من اهنى استنتجت انه قطو مشرد حديث العهد ... وقلت خلنى اصيده قبل لا يتمرد ويصير متوحش

المهم سويت محاوله اصيده بروحى .. بس ما قدرت .. وانحاش القطو
( اليوم التالى ) والمحاوله الثانيه قررت استعين بيعقوب وخالد <<< اخوانى P:
علشان ما اعطيها فرصه تنحاش ... وبعد شويه مطاردات لقيت عيال جيرانا يساعدونا بالمهمه ^^ .... وبعد مطارده دامت ثلث ساعه ... تمكن القطو من الفرار >_>
المهم تعمم الخبر انى بصيد القطو
وفي اليوم الثالث ... اجا لي ولد جيرانا واهوا امبقق @_@ ... وقال لى (( القطوة الى تبيها بحوشنا تعال صيدها ))
لوول .. استعنت بالاخوين منير وشوقي (( يعقوب وخالد ))
وتوجهنا للحوش المعنى
والحمد لله بعد محاولات بسيطه قدرنا نصيدها ^^...
واول ما يبناها للبيت ...ربطتها بالحوش ... ومن ثم فتحنا لها علبه تونا .. والمسكينه قعدت تاكل من الجوع وعطيتها شويه ماى وشربت .. وكانت هادئه ... وبعدها ب5 ساعات قررنا نسبحها ... وطبعا اول مرة نسبح قطوة >_< يبنا سطل ونقعناه فيها ومع القليل من شامبو هيد اند شولندز او بارت بلاس (( والله ناسي الماركه >_< )) ..
المهم غسلناها وطاح شوي شامبو على عينها بالخطأ ... جان تقعد القطوة ترافس .. وقررنا ما نقرب صوب راسها
وغسلنا الجسم كله ما عدا الراس اجرب ... بس والله لو تشوفون الوساخه الى طاحت ... تقول ديزل من السواد ..
ونشفناها باستشوار وخليناها نايمه بالصاله + عطينها جم حكه منى ومناك علشان ندلعها واهى استجابت ^^ .... شوي ولا بدت القطوة تسوي حركه الحازوقه بالعامى (( تريوعه )) ... وانترست الصاله برائحه التونا >_< ... كنا نبي ننومها برا .. بس اكسرت الخاطر وخليناها بالصاله .. اما اليوم قعدت الصبح وعطيتها ماى اشربت شوي .. وبعدها بفتره يبت لها حليب كى دي دي .. واشربت نصه ... وسويت لها اكله مرق الدياي مع التوست .. بس ما رضت تاكل >_< .. يعنى اليوم ما اكلت ولا شي بس ماى وشويه حليب ... وهذا انا اكتب لكم سالفه القطو وابي مساعداتكم

ملاحظات عن القطو :
- لونه برتقالي على شقار .... يعنى تقدر تقول عليه سكر محروق إن اصح التعبير... وشكلها كبير ..
- هنالك مخاط يخرج من انفها ... وقبل لا نسبحها كان شوي .. بس بعد ما سبحناها صار يخرج بشكل ملحوظ
- في شي على شعرها ... شي متجمع وصاير شكله مشمئز ... ما ادري هل هالسبب لعدم التمشيط ام ماذا ...!!
- القطوة ضعيفه حييل .. يعنى لما اجيس ظهرها .. احس بعمودها الفقري وبأعظامها ... يعنى هل هذا اهوا الوزن الصحى اما القطوه فيها شي ..
- مرات لما اطالع لها القاها تقعد تحرك ببلعومها ... وهذى الحركه اشوفه بالدياي والحمام ... يعنى هل ريجها ناشف وتبي ماى ؟؟؟
- مرات تسوي صوت او شي مثل العطسه .. وتطلع صوت مثل أخخخخ << الرجاء التفرقه بين الأخخخخ والبخخخخخ
- اعينوها نظيفه ومافيها ولا شي ...
- اذنها من داخل نظيفه اما الشعر شوي قذر لانى ما قربت صوبها لما سبحتها >_>

همممم وهذا الى اقدر اقوله .. لانى الصراحه ما عندي خلفيه عن القطاوة >_< .. و اذا تبون تستفسرون عن اي شي قولوا .. لانى الصراحه ودي اساعد هالقطوة .. وياريت تقولون لى عن نوعها وعمرها بحدود جم ....^^

واخليكم مع جم صورة لها

[Withered Rose]

شكل القطوة حلوة بس أول و أهم شي البيطري ..

اما إذا لأ ... فا احتمال بنسبه 80% اشوتها فنقر .. وال20% الباقيه انى ابيعها مواهاهاهاه

لا ما راح تشوتها فنقر لول انت ودها البيطري و قولهم ابي تسوون لها grooming و تطلع أنظف من النظافه ..

المهم غسلناها وطاح شوي شامبو على عينها بالخطأ ... جان تقعد القطوة ترافس .. وقررنا ما نقرب صوب راسها

صح القطوة تتسبح كلها ما عدا الراس او (ويهها) لازم بعد التسبح تمسح الوجه بقطه مبلله بالماء فقط ..

- هنالك مخاط يخرج من انفها ... وقبل لا نسبحها كان شوي .. بس بعد ما سبحناها صار يخرج بشكل ملحوظ

ممكن تكون ماخذه برد و أيضا إذا لاحظت إفرازات من العين بعد و العطاس ..

- في شي على شعرها ... شي متجمع وصاير شكله مشمئز ... ما ادري هل هالسبب لعدم التمشيط ام ماذا ...!!

نعم .. اسمه hairballs البيطري لازم يقصه و بعد القص التمشيط يومياً .

- القطوة ضعيفه حييل .. يعنى لما اجيس ظهرها .. احس بعمودها الفقري وبأعظامها ... يعنى هل هذا اهوا الوزن الصحى اما القطوه فيها شي ..

ما فيها شي بس اكيد فقدت وزن و خصوصاً القطط اللي تنحاش كلها يفقد وزن و ممكن يكون الاحتمال الثاني وجود دود بالبطن أو الإصابه بجفاف القطط أو امراض اخرى ..

مرات لما اطالع لها القاها تقعد تحرك ببلعومها ... وهذى الحركه اشوفه بالدياي والحمام ... يعنى هل ريجها ناشف وتبي ماى ؟؟؟

جرب تحط لها الماي إذا ما شربت يكون سبب ثاني ..

- مرات تسوي صوت او شي مثل العطسه .. وتطلع صوت مثل أخخخخ << الرجاء التفرقه بين الأخخخخ والبخخخخخ

القطه اكيد عندها حمى لأن كل هذي أعراضها ..



و القطوة حلوة ما شاء الله بس يبيلها شويه إهتمام

[قطو_Q8te]

الف شكر للاخت وذرد عالرد ,, رد كافي ووافي
انشالله استفدت اخوي

[Dominique]

والله يا RIZE شوف ..


أولا وقبل كل شي لااااااااااااااازم توديها البيطري وإذا ما تدله

مقابل سوق الحمام من المدخل الخلفي صوب البراحة

مستشفى الدهماء البيطري .. د.جوزيف ( فلبيني ) ثاني غرفة من طاولة الاستقبال ..

هذا دايما أودي دومينيك عنده وماشي زي العسل مع دومينيك وأسعارهم تمام :

الفحص العادي دينار ونص، سباحة القطوة بخمسة ( سباحة واستشوار وقص أظافر إذا تبي تقص أظافرها ) ، قص الأظافر دينار ونص أما باجي الأدوية فهي على حسب سعر الدوا أو نوعيته .

تطعيم القطوة ( لازم تطعمها وللا راح تلقط أي مرض وتعاديكم ) :
التطعيم أول مرة 4.500 د.ك علشان تطعيم وفتح دفتر تطعيم ، ثاني مرة عقب اسبوعين ثلاثة ونص، ثالث تطعيم عقب أسبوعين من التطعيم الثاني هم بعد ثلاثة ونص . بعدين تعطيها كورس ديدان على يومين علشان إذا فيها دود يطلع ( والدكتور مع الفحص يقولك إذا فيها دود وللا لأ ) .

ثانيا :

قطوتك يمكن عمرها 6 أشهر أو 7 لأن حجمها صغير.. ( يعني بالغة ) خل جوزيف يشوف أسنانها واهو راح يقولك جم عمرها بشكل أكيد ..

شكلها نفس دومينيك ( اللي بتوقيعي ) بس لون ثاني تشبهه وآنه قالولي إنه شيرازي مون فيس بس قطوتي من أم مون فيس وأبو ( سوليد : يعني فارسي أصلي )

يمكن قطوتك جذيه . . وخل الطبيب يشوف إذا اهيا ذكر وللا نثية علشان التزاوج أو الاخصاءن آنه قطوتي ذكر وسويتله اخصاء علشان لا يتزاوج .

ثالثا : التغذية

لازم يكون أكلها وماءها في نفس المكان كل مرة.. لأن القطوة ما تتكلم وتقول يوعانه..بس توقف عند صحنها وتماوي علشان تبينلك إنها يوعانه ، فدايما حطلها الاكل والماي بنفس المكان يعني إذا عودتها إنها تاكل بزاوية غرفة معينة لازم كل مرة تكون بنفس الزاوية .

وصحن الماي وصحن الدراي فود يكونون على طول full يعني ماتيي القطوة بتشرب ماي وللا الطاسة فاضية .

الدراي فود ( الأكل الناشف اللي يكون مثل البسكوت تلقاه بالجمعيات مكان أكل الحيوانات )

لا تعطيها تونة لأن زيت التونة يطيح شعر القطوة.. عطها سمج عادي من اللي تاكلونه بالبيت وحاول ان ما يكون فيه زيت وايد .

هذا عنوان موضوع آنه كتبته انشالله راح يفيدك بتغذية القطوة لأنه شامل متكامل عن كل أنواع الأكل المتوفر بالكويت ماعدا نوع الرويال كانن لأن الصراحة ما لقيته بالكويت.. ركز علي الومضوع وشوف شنو الأنواع الموجودة بجمعيتكم أو مركز سلطان أو سيتي سنتر .

http://www.2zoo.com/vb/showthread.php?t=11886

وتبي أنواع وايد .. عندك مركز سلطان سوق شرق أو الجملة اللي بشويخ، جمعية الروضة أو جمعية الفيحاء، ويقولون جمعية مشرف بس الصراحة ما رحتلها ليلحين ..

النزهة، عبدالله السالم، الشامية أنواعها كلش مو شي و شوية و أصلا النزهة مافيها أكل قطاوة ..

إنشالله ماتشوتها بره لأنها بتطلع حبووووووووووووووبة وبس تتعود عليك تلزق فيك وايد وتماوي إذا طلعت بره البيت وخليتها ..

واي آنه دومينيك كان يخاف ومايخلينا نلمسه وكل ما نقرب عليه يفح مثل الحية.. بس تعال شوفه الحين.. يمه قلبي.. ينام بفراشنا آنه واختي ، بس ياكل من إيدنا لأن احنا الثنتين بس اللي نهتم فيه..
لما تكون مثلا قاعد على كرسي يمر من تحت ريلك ويلصق ذيله.. أو تكون قاعد على الغنفة ينط ويقعد يمك ويحط راسة تحت إيدك يعني امسح على راسي

كربووووووووونه يهبل

والحمدلله انه مرتاح معانا لأنه دايما يمشي رافع ذيله.. ويقولون القطوة لما ترفع ذيلها تكون مرتاحة من أهل البيت ..


يالله الفال حق قطوتك بس تعرف شنو نوعها عطها اسم .. وعودها عليه بلحن معين علشان بس تناديها تلتفت عليك على طول

أدري قرقت وايد بس علشان لا أكون بخلت عليك بمعلومة يمكن تفيدك

GoOoD LuCk
.
.
.

[RIZE]

مشكورين يا جماعه وما قصرتوا ... وجعله الله في ميزان حسناتكم


اليوم وديتها للبيطري ... بس طحت على واحد غبي ... إن اصح التعبير مخه مخ حمار (( وانتم بكرامه ))

قعد ييب ويحط بالادويه .. وانا مو فاهم شي .. اخر شي قلت له يعطى للقطوة الابر الضروريه ... فا بالاخير عطاها ابره حق الدود + ابره مضاد حيوي .... ووديتها حق بيطري ثاني قال لازم تعطيها تطعيم ... بس الحين مو زين عليها لانها توها اخذت مضاد حيوي .. وقال تعال بعد يومين |.... ووصانى على مستشفى الدهماء ... ورحت له بس للأسف كان مغلق >_>


وان شاء الله اشوف باجر اذا اقدر اوديها ولا لأ ...

Dominique :
ما شاء الله عليج رد كافي ووافي ... الله يعطيج طوله الصحه والعمر

[RIZE]

والله يا جماعه ما ادري شقول لكم >_< ..... وياريت ما تفهمونى غلط ... صحيح انى تعاطفت ويا القطوة + حاولت اساعدها بالى اقدر ... يبت لها اكل معلب ... وعطيتها اكل من عندي .... ووديته للبيطري يدقها إبر ... وغسلتها .... بس مع هذا ظروف البيت ما تسمح انى اخليها عندي >_> ... لانى ما عندي مكان احطها فيه و انا حاكرها بقفص وما اعرف شلون احط الرمل او شلون اخليها تتعود على الرمل ... او حتى ادربها .... لانه عمر القطوة ما يساعد .. يعنى لو صغيره جان قدرت امشي الحال اما اهى كبيره وشكلها حدها تعبان ... والمكان الى حتط فيه القطوه صار قذر >_< ... والقطوة ما تساعد والواحد يساعدها ... ويبيلها واحد مخضرم مو مثلي هاوي يديد
وبعدين فكرت .... ليش هالقطو بالشارع ... هل فيه مرض معدي .... أم هل اهوا كبير حيل بالعمر ... ام هل القطو تعبان نفسياً ... يعنى كل هالاشياء خلت صاحبه الاصلي يتخلى عنه

فنقر FTW
فا اكيد فيه عله >_>وقلت ارده للمكان الى يبته من .... انتهى