احتاج مساعده لتفريخ الكوكاتو

[مــراح]

السلام عليكم


اخواني

انا ناوي اشتري ذكر كوكاتو مع كوكاتو حقي الانثى (صورة الانثى اللي بالتوقيع )

وعندنا حديقة في نفس البيت

وصلحت العشه وبقى الشبك وشراء الذكر الكوكاتو

وناوي احط عندهم مكيف صحراوي عشان يبرد عليهم

ابي منكم نصيحتكم عشان يفرخون الكوكاتو عندي هل يصلح برى في الحديقة

واللي حاط عشه برى بيتهم زوجين من الطير افريقي او مكاو او امازوني

هل الحرارة عذبتهم او عادي بوجود المكيف لتبريدهم


ارجو الرد

[هيبه اسد]

اخي العزيز


اولاً يجب عليك دراسه الموضوع بشكل صحيح ومعرفه طرق واساليب التفريخ مع الكوكاتو
ويجب ان تسئل اي احد سبق وفرخ هذا الكوكااتو
فهناك امور يجب ان تتوافق معك
واتتمنى لك التوفيق

[مــراح]

اخوي كوكاتو

مشكور على ردك ويعطيك العافيه

بس عندي سؤال واحد : احد جرب وحط زوجين من الببغاء في حديقة بيتهم في عشه خارجيه وليس في غرفة وحط مكيف صحراوي ولا اثر على الببغاء؟

فقط هذا سؤالي؟

وشكرا

[هيبه اسد]

اخي العزيز هاذي ببغاوات وليست كالحمام يتحمل عشه
الببغاوات تحتاج الي غرفه مخصصه ومناسبه ومهيئه تأهيل كامل ثم اختيار زوج منتج ويقدر يفرخ ان شاء الله

بالنسبه بالحديقه والله اعتقد انه مايصلح لانه شمس او يكون برد اما اذا كان جو معتدل فيصلح بأذن الله

وشكرا

[مــراح]

العفو اخوي كوكاتو

وشكلك عصبت بالمره اسف جدا :d

بس وش اسوي لازم استفسر

وشكرا وشكرا وشكرا لك

واي احد من الاعضاء الكرام عنده خبره ارجو انه ما يبخل علي


وشكرا

[FAWAZ]

حياك الله أخوي مراح
أبشر ونا أخوك راح أساعدك بكل الي أقدر عليه وزياده ان شالله

الكوكاتوه طير سهل التفريخ والإنتاج منه
وصدقني التجهيزات كلها سهلة جدا جدا , لاكن المهم انك تعرف أنت وش تحتاج بالظبط لطيورك
أقصد مو مهم أنك تبني عشة وتكون مكلفه , المهم عندي تكون عمليه مع طيورك


بالنسبة تأكد من إن الي عندك إنثى , وإن الي ناوي تشتريه إن شالله ذكر ويكونون في عمر مناسب لتكاثر وصحتهم زينه

والمكان خارج البيت هو المطلوب , ويتم توزيع المكيف الصحراوي بشكل صحيح وإعطاء قدر من الرطوبه مهم , مع تنظيم جيد لأوعيه الطعام والشراب ومكان مناسب لصندوق العش , أيضا تصميم فني للغرفه وتهيئتها من الداخل والخارج بمواد تناسب هذي الطيور وتوفر لها الراحه , وفرش الأرضيه بماده مناسبه

وما أدري إذا أنت بديت بتظبيط الغرفه ولا لا , لا كني إنصحك إنها تكون على شكل حرف L ويكون صندوق العش في المنطقه القصيره وهذا التصميم يوفر راحه كبيره لطيور , وراحه لك أنت بعد إذا بغيت تسوي صيانه للغرفه , وأيضا تصميم حرف L يساعدك بالتحكم في دخول أشعة الشمس والأفضل حجب المنطقه الي فيها الصندوق عن الشمس بشكل بسيط والباقي يكون معرض لأشعة الشمس من خلال فتحات تكون في سقف العشه من الخارج يعني تسوي كل شي والطيور مرتاحه وماتحس بأي إزعاج


( هذي أفكار بشكل عام وهذا تصميم من عندي لأقفاص الطيور الخارجية أو المعدة لتكاثر )

بالتوفيق أخوي ومافي أي شي بالدنيا صعب أنت حاول وبذل الأسباب والباقي سهل ان شالله
وذا عندك أي استفسار تفضل وشاركنا فيه , وأنا والاخوان هنا راح نساعدك


فواز,,,,

[مــراح]

اخوي فواز يعطيك العافيه واشكرك على ردك ومرورك العطر لموضوعي وعلى المعلومات القيمة منك

اما من ناحية الكوكاتو اللي عندي متأكد انها انثى رحت لدكتور مختص في الببغاء وفحصها واخبرني انها انثى ناضجة ومناسبة للتفريخ

اما عن الذكر باذن الله احصله في اقرب فرصه

معدات العشه من حديد وشبك وبزودها بالاخشاب من تصميمي وان شاء الله تعجبكم

وان شاء الله عند اكتمال العشه باحط الصور

اما عن الارضية مزروعة عشب (ثيل)

اما عن صندوق العش L ممكن تذكر اخوي فواز مقاسه

واشكرك مره ثانيه اخوي فواز

[هيبه اسد]

ولا عصبت ولا حاجه

اتمنى لك التوفيق وقلوبنا معاك واذا فرخت لا تنساني بفرخ

[الكسيكوالدره]

هلا وغلا

اتمنى لك كل التوفيق وان شاء مانشوف صور العشة فقط
ولكن نشوف صور انتاجك من فروخ الكوكاتوا
فواز ماقصر

[مــراح]

كوكاتو - الكسيكوالدره

مشكورين اخواني ويعطيكم العافيه

وان شاء بتشوفون صور العشه

والفروخ بأذن الله


تحياتي