تدريب الكوكتيل

[عاشق الطيورر]

السلام عليكم يا خيره شباب مصر والبلاد العربيه

انا حبيتك اعرضلكم طريقتي في تدريب الكوكتيل




هو في طريقتين في التدريب واسهل طريقه هي انك تفرخ الكوكتيل وتأخذ الفروخ وتدربها من صغرها لانها اول ما حتفتح عيونها حتلقيك انت فتلقاي حتحبك وتأخذ عليك وبكده انت ضمنت طائر مدرب وفي وقت اسرع

انما الطريقه التانيه وهي انك يكون عندك طائر كبير السن كيف تبدا في تدريبه وهي انك تحضر الطائر الاقل خوفا من الطيور الباقيه يعني وانت بتمد ايدك تغير الاكل متلقيهوش بيخاف منك فتقوم تأخذه وتعزله في قفص لوحده حتقولي طب انا لما حمسكه حيخاف مني بعد كده حقولك لا ياباشا اعمل حدق وقبل ما تغير للطائر الاكل بتاع تحط الاكل في القفص المراد نقله فيه وتفتح القفص اللي في الطائر وتفتح القفص التاني وانت حتلقيه بيدخل علطول عشان جعان طبعا
وبعدين تعزل الطائر لوحده وتحطله اكل عادي وفواكهه وبلاش تحط الاطعمه اللي بيحبها عشان تأكله انت . زي الصوره دي



وطبعا قبل ما تعزله بايام تكون قاصص جناحه وطريقه قص الجناح سهله وهي قص اول اربع ريشات من بره الجناح
:wuub:



بعد ما عزلته في القفص تحط القفص في حته بحيث انه يشوفك انت علطول وميشفش حد غيرك وتكون الحته دي هايه مفيهاش اطفال ولا اصوات عاليه وتحط القفص في حته وسط يعني لا اعلي منك ولا تحت خالص لانه لو حطيته تحت خالص حيخاف منك لانك حتبقي بالنسبه ليه مازنجر المتوحش ولو حطيته فوق خالص حيتكبر عليك ومش بعيد يعملها عليك :lol3: المهم تحطه في حته وسط خالص.

وبعدين تسيبه يومين تلات اسبوع لحد ما الطائر يأخذ علي المكان الجديد وبعدين تبدا تحطله اكله المفضل وهو اغلبيا بيكون لب سوري حطه وسيب ايدك خالص وانساها لانه متتوقعش انه حيأكل اول ما تحط ايديك حيكون خايف منك ولو مأكلهاش يبقي اعملها بكره وبعده خليك ورا امه لاغيت لما يأكها منك وبعدين اول ما حيأكلها منك حيبدا يا خذ عليك وتأكله لمده اسبوعين كاملين وبعد ما يكون اخذ عليك تفتحله باب القفص علي الاخر - الطائر مقصوصله جناحه- وبعدين تسيبه خالص ممكن يطلع في نفس اليوم وممكن يطلع بعدها باكتر من تلت ايام الله اعلم بس هو حيطلع حيطلع علي القفص من فوق لانه طائر الكوكتيل بيحب اللعب والاستكشاف وبعد ما يطلع سيبه يلعب متخوفوش وانت حتلقيه فرحان بيغني كمان زي اللي في الصوره دي شايف بيضحك والله



بعد ما طلع علي القفص بيومين تلاته حول تقرب منه لو لقيته بيجري وبيجعر عليك استني شويه بلاش دلوقتي وبعدين بعد ما يجوع مد ايدك بأكله المفضل متنساش احنا علمناه يأكل من ايدينا قبل كده فحتلقيه بيقرب من اديله الاكل وبعدين اديله كمان لاغيت اما تسد جوعه حاول تمد ايدك ناحيه صدره وحاوط عليه بايدك التانيه من ورا حتلقيه خايف من ايديك اللي ورا وبيطلع علي ايدك اللي انت ماددهاله حيفتكرها مجسم وبعدها طمنه بأنك تحسسه علي راسه براحه

ملحوظه هامه : كل معامتلك مع الكوكتيل في الفتره دي تكون براحه وببطيء شديد عشان متكونش حراكاتك مخيفه ليه
حتلقيه وقف علي ايدك ثواني معدوده وحتلقيه طائر وجناحه مقصوص وحيقع عل يالارض حاوط علي من كل حته ومد ايدك في صدره حتلقيه طلع علي ايديك خذه وحطه علي كتفك وابعد ودانك وعينك عنه لانه ممكن يعض وانا مجرب :scratch:
وحطه علي كتفك وانساه بقي وملكش دعوه بيه خليه علي كتفك لمده اكثر من تلت ساعات حيحس بالامان جدا



وبعد مد ايدك وهو علي كتفك حيعد يعضعض بس سيبك مش حيعض جامد لانه خايف شويه وبعدين حيقف علي صابعك وبعدين حطف في القفص تاني وسيبه يوم كمان وحيطلع ولو مطلعش مد ايدك انت وحط صابعك في صدره وطلعه واعم لمعاه الموضوع ده كل يوم وفي الاخر حيتعود علي المكان وعليك حيبقي طائر مروض وحيبقي احلي صديق ليك في الدنيا


ودي نبذه مختصره عن طائر الكوكتيل

يعد الكوكاتيل من اكثر طيور الأٌقفاص او المطاير شيوعاً في العالم , بعد الببغاء الاستراليه والكناري وهناك العديد من الاسباب جعلت هذا الطائر يتبؤأ المكانه , يتمثل اقلها في المزاج الساحر لهذا الببغاء الصغير , وقدرته على تقليد الصوت البشري , وتوفره بألوان عديدة جــذابه , واهم من كل ذلك , استعداده للتكاثر في الاسر حتى في اكثر الاماكن ضيقاً , بالاضافه الى ذلك , فهو لايملك ذلك الصوت الخضن الأجش المزعج الذي يلازم كثيراً من الببغاوات الأخرى ؛ ويتميز الكوكاتيل ايضاً بسهولة ترويضه ليأخذ مكانه على الاصبع , وهو ذكي نسبياً , ومناسب تماما للهاوي المبتدئ , سواء كان يرغب في تربية طائر اليف واحد للاحتفاظ به في قفص يستأنس به , او كان يرغب في تجربة تربيته في مجال الاستيلاد اللوني

ودي صور طيوري المدربه ( طبعا اللي مات واللي اتباع يلا هي دي الدنيا)

دي تويتي النتايه اللي ان ادربتها وعملتلها موضوع




وده توتي الذكر وده الحمد لله دربته برده بس في مده صغيره جدا



وطائر الكوكتيل بيحب اللعب مع الطيور الاخر وودود جدا جدا معاهم زي اللي في الصور دي (طيوري برده)





ويارب اكون افدتكم ولو في اي ملاحظه او غلطه انا غلطها في الموضوع قول عادي عشان الفايده تعم

منقول من (NO.MERCY )