رأيـــــــــــــكم يهمني يا .... خبــــــــراء (( 2zoo ))>>>!!

[saloOoOomy]

السلام عليكم ورحمة الله وبركاته

اعزائي اعضاء 2zoo المنتدى الشيق والممتع اسعد الله اوقاتكم بكل خير

انا اشتريت كاسكو من شخص ذو خبره وانا ادور على فرخ وحصلة لكن باسعار خياليه ومبالغه عندنا بالسعوديه لقيت فروخ اعمارها من 6 - 8 -9 شهور واسعارها من 3000 ومافوق صراحه فوق ميزانيتي

المهم الله سهل لي ابن حلال وقال امهلني اسبوع بجيب لك انثى عمرها فوق السنه وشوي وبعطيك ياها بسعر جدا ممتاز لاني اعرفه المهم شريتها وهي روعه صراحه هاديه كانت تجعر ف الايام الاولى فقط وتركتها بقفصها بالزاويه لمده 20 يوم وكل يوم ااكلها ماترضى واغير لها المويه واكلمها شوي الين الحمد لله ولفت وصارت ما تاكل الا من ايدي واول ماتشوفني تنقزبالقفص وتطلع صوت صفارة قريبه من الصوت اللي الاغيها فيه ....... اسف طولت عليكم بس يا اخواني انا بجط لكم صورتها وابيكم تعطوني رايكم فيها واللي عنده خبره من ناحيه الشكل والنوع او العمر والفصيله لايبخل علي بملاحظاته ودمتم بحفظ الله ............... تحياتي للجميع










وهذا فيديو ع اليوتوب


http://www.youtube.com/watch?v=2DZS3ZQfVW4

[xX7oSaMXx]

ماشاء الله على طيرك الله يخليه لك

وغريبه ليش على 3000 الطير انت تبي واحد يتكلم ولا واحد عادي ؟

عندنا بسوق الحمام بالرياض كاسكو بعمر8 شهور او 11 شهر بـ1000 ريال وعلى فكره مايتكلم ولا يطلع على اليد ويجعر يعني انت الي تدربه

وحلو انه ياكل من يدك يالله على شوي شوي طلعه برا القفص ودربه على انه يطلع على يدك

وعمره اتوقع ولا ادري سنه وشوي

وبالنسبه هو ذكر ولا انثى صعبه تعرف لازم تحليل عند البيطري يعلمك وش نوعه ذكر ولا انثى

والشكل ماشاء الله ماعليه كلام

ونوعه ما ادري هل هو جامبو ولا كاسكو وكل النوعين حلوين
تقبل مروري

[saloOoOomy]

شاكر لك مرورك اخوي ......... والله الاسعار هذي باكثر المحلات بجده لا ويسون ذكاوه الاخوان يقولون هولندي محجل >>>>>> يعني مو افريقي وهو اصلا افريقي ابن افريقي بس مفرخينه بهولندا والتجار ماصدقوا رفعوا والاسعار بالعلالي ....... لقيت على قولتهم هولندي بــــــ 2300 ريال وعمره فوق 3 سنوات ولايتكلم ولاينطق
اما بالنسبه للي اسعارها فوق 3000 او مايقاربها في لاتتكلم ولا والفه الا تجعر

شاكر لك اخي العزيز ,,,,,,,,, لك فائق الاحترام والتقدير

[خالد شاهين]

ما شاء اللة طير جميل مبروك عليك ويتربى بعزم يا اخي

[saloOoOomy]

يعطيك العافيه اخوي العزيز .......... يسلمك ربي

[beeshoo]

ماشاء الله ..
مبروووك

النوع افريقي -كاسكو
العمر سنة أو أقل
الجنس تقدر تحدده من هذا الرابط ..
http://www.2zoo.com/vb/showthread.php?t=649

بالتوفيق = )

[كاسكو هولندي]

النوع افريقي نيجيري ... العمر باين عليه سنه وكم شهر الصحه باين ممتازه ماشاء الله الريش كامل ومن اروع مايكون.. الله يوفقك فيه كاسكو مثالي مشاءالله عليه...... اول مره شريت فيه كاسكو بحياتي نصب علي البياع نصبه ولو اني اعمى كان يمكن مايقدر ينصب علي النصب هذا كله تصور اني شريت كاسكو بـ 2000 ريال تقريبا عمره اكثر من 7 سنوات واصبعه مقطوع ومنقاره فيه كسر وواحد من جنحانه متعور ... والله شافوه اهل الخبره قالو انت اعمى حتى الغشيم يعرف وماطول عندي سته اشهر ومات .. بس الحين خبره على قولتهم كل طراق بتعلومه ..

تقبل مروري

[saloOoOomy]

يعطيكم العافيه اخواني ............. (( والله فرحتوني )) ........... الله يسعد ايامكم بالفرح والمسرات

[mlk6]

ماشاء الله الطير ما عليه كلام

باين صحته الف الف وحجمه ممتاز

وان شاء الله تفرح فيه

[ابو سفر]

ماشاء الله ....احسنت الاختيار ماشاء الله حجم وشكل وذكاء ..

وفصيلت الطير روووووووووووووووعه من الفصايل اللي تتكلم بطلاااااااااااااااااااااااااااااااااااااااااااااقه

وشد حيلك معاه وحفظه كلام ...والتوليف لاحق عليه ان شاء الله معى الايام بيولف معاك ...

بس اهم شي لقنه كلمات لان سنه قابل للتعليم ...في طيور اعمارها 3 سنوات وتعلمت الكلام ...

وان شاء الله بيعجبك ...والله يباركلك فيه..