استفسار

[كيوت كات]

السلام عليكم


شخباركم



انا عندي قطتين ذكر وانثى امي طفشت منهم وخلتهم بالحوش


المشكله الحين الصيف جاي واخاف يموتون من الحر


السؤال هينا ايش اسوي اشتري لهم بيت واذا شريت لهم هل بيحفظهم من الحر


ساعدوني وحطووني حل الله يجزاكم خير

[milk cat]

اشتريلهم بيت او حطيهم بالملحق وحطي لهم بيت كبير شوي يكفيهم يعني وفيه نور وعازل عن الحر

[مدرب نمور]

حاول انك تحطيهم فى مكان ماعليه شمس

ويجيه هوااء

والمويه لازم تكون على طووول موجووده

تحياتى

[كيوت كات]

مشكوررين على الرد


انا اذا جيت اطلع اشوفهم متسدحين بالزرع وتحت الشجر

[آنـــــو]

ياقلبي عندنا حررر مو طبيعي

أذا القطط شيرازيه وطول عمرها متربيه بالبيت بتتأثر وتعاني

حاولي مع الوالد وخليها تعطيك فرصه ثانيه

قولي أنك بتعتنين فيهم زين ومابتشوف منهم شي يزعل ..

وحاليا جهزي لهم مكان فيه ظل ولو عندكم غرفه خارجيه حطيهم فيها وأحسن لو فيها تكييف

ومووفقه

[كيوت كات]

هو مشكله عندي القط يرش بول بكل مكان والانثى شعرها يتساقط بس مو بكثر بس تلاقينه بكل مكان


هذا اللي خلى امي تطفش منهم اذا عندكم حل لرش البول عطوني اياه


ومشكورين

[آنـــــو]

مسألة الرش للأسف هذي مشكله مالها حل للذكور خاصه أن عندك أنثى وحده بس ..

وغير كذا الذكور ترش بعد لتعليم وتحديد مكانها .. بنظري مافيه حل الا الأخصاء

ولو عندكم غرفه زايده بالبيت حطيه فيها حتى يهدا هالفتره ..

بالنسبه للأنثى .. أعطيها فيتامينات .. ولاتوكلينها أكل بحري كثير أو أكل خاص

خلي أكلها صحي .. دجاج مسلوق مع خضار وهيك شغلات تسوينها بالبيت وأفيد لهم

ومشيطها دايم .. بيخفف كثير من الشعر ..

ووفري لها سرير أو مكان خاص بالبيت تجلس عليه بدل ماتجلس وتنام على الكنب ..