[سكر]

المشاركة الأصلية كتبت بواسطة د\ رائد عبدالله

بسم الله الرحمن الرحيم ...

السلام عليكم ورحمة الله وبركاته ...


مشكورين اخواني الافاضل على ردودكم ومروركم وابداء اراؤكم ...


اخوي سكر ... واخوي مجرد علامة ... انا احييكم واهنييكم ...

لكن حبيت اقول شئ واحد ...

ما فيه احد راح يحس بالكلامولا يعرف اذا كان هذا صدق الا اللي جرب ...

وهذه تجارب علمية تمت تدراستها وهذه نتائجها طال عمرك ...

وفي الاخير ابي اقول كلمتين ...

توكل على الله وارجع واقرا الموضوع مره ثانية واقرا جميع الردود وربي يوفقك يا غالي ...


تقبل تحياتي

عليكم السلام ورحمة الله وبركاته

عزيزي عبد الله,,, انت رديت علي مرتين يا قمر,,,

يفترض انك تكتفي بالرد الأول,, كنت أفضل اني أسكت لأني بينت وجهة نظري بشكل واضح,,,

وما أقدر أجبر أحد على انه يقتنع بكلامي,, علي اني أبلغ الأمانة وأوضح الإلتباس فقط,,

لكن بالنسبة لردك الأخير أنا مضطر أبين نقاط على افتراض اننا كلنا نبحث عن المعلومة الصحيحة,,,

بسألك,, فين التجارب العلمية اللي تتكلم عنها,,,

التجارب العلمية معناها مركز بحوث أو جامعات أو دكاترة قامو بدراسة معينة,, ووثقوها بوثائق,,,

وما تكون محل نقاش بين الهواة لأنها مثبته ببساطة,,,

واللي يقوم بهذي الدراسات هم ناس أكاديميين,,,

أما بالنسبة لموضوعك,,

أنا بلخصه ببساطة:

انت تقول بالنسبة للفروخ ( لمس الببغاء يؤدي إلى انتحارهـ بسبب تعلق صاحبه به)

وانا أقولك أول اني ما أوافقك,,, وأقولك الحين ان كلامك خطأ 100%,,,

وتحليلك تحليل خبط عشواء,,, ومبالغ فيه بشكل كبير,, ولا يمت للحقيقة بصلة,,,

بإختصار هذا تأليف مرفوض,,,

والاخوة الأعضاء نقلو تجاربهم,, ويقولون ان ببغاواتهم صابتها حالات نفسية بسبب بعدهم أو سفرهم,,

وهذا شي معروف خصوصاً في الأفريقي,, والمكاو,,

لكن مين قال انه بسبب لمس الببغاء الفرخ؟؟

هذا هو محل النقاش يا قمر,,,

معليش انا أتكلم بالعامية عشان توصل الفكرة بشكل أوضح,,,

ولو أقول لك اني ربيت 50 فرخ درة وأكثر من 16 أو 17 كاسكو وغيرهم من طيور وببغاوات,, أكون ما أبالغ,,

ولا واحد فيهم صار له مثل ما قلت يا عبد الله,,

مو بس كذا,,, كل أهل الخبرة في التربية ما عمرهم قالو مثل كلامك,,

أنا أعرف اننا شعب عاطفي,, ونحب نبالغ في الأمور حتى نضيف بعض الإثارة في القصص الشخصية

كنوع من المغامرات اللي تعطينا شعور بالتميز والخصوصية,,, أو كنوع من العزاء أو التخفيف من آلام فقدانهم لطيورهم,,,

وأتوقع ان هذا هو سبب اتفاق بعض الأعضاء معاك,, خصوصاً انه فيه أسباب كثير قد تكون سببت وفاة طيورهم...

وكلامهم عام,, وانت خصصته,, يعني هم يقصدون شي وانت وضفت ردودهم لشي ثاني

الأعضاء يقولك مات ببغائي لأني سافرت أو بعدت عنه ,,الخ,,

طيب ممكن أعرف ايش علاقة كلامهم باللمس؟؟؟

وسؤال ثاني,, ايش اللي يخليك تقول ان هذا انتحار؟ وفين التجارب اللي قلت عنها مثل, إغراق نفسه,

ومثل شنق نفسه بالقفص,,

هههه بالنسبة لشنق نفسه, على فكرة لو الببغاء حشر نفسه بين الحدايد حقت القفص ما بيموت

لأن وزنه خفيف, وعظلاته قوية,,,

وخذلك أي ببغاء وجرب فيه هذي الحركة,, ما بيموت,,,

ببغائي جلس 5 ساعات تقفل القفص على رقبته وما مات,,, وفيه موضوع يوضح هذه الحادثه بالصور,,,

لو كان فيل بقولك يمكن,, لكن ببغاء ينتحر بالشنق,, معليش (ما تنبلع لو أدهنها بشحم)

وبعدين ببغائك هذا آخر موديل, لأنه ما قد شفت ببغاء يبكي, زي ما تقول,,,

وكذلك التقبيل, لما تقول ان الببغاء لما تغيب عنه ويشوفك بيجي يجري عندك ويقبلك

ايش اللي عرف الببغاء ان التقبيل يدل على المحبة... الله يصلحك,,,

التقبيل هذا سلوك احنا ندربه عليه,,

وهو يقبل إذا كان مدرب على التقبيل فقط,, وما يدري ايش معنى هذا السلوك,,

على العموم يا قمر أتمنى منك انك تخاف الله فيما تنقل للآخرين

لأنك محاسب عن كلمة تقولها,, وممكن تتحمل يوم القيامة, كل شي يترتب على كلامك ويحصل للأعضاء,,

وفي الأخير مو أنا اللي أحاسبك,, لكن لا تنسى ان الله العليم بذات الصدور,, هو الذي يجازينا على نياتنا وأفعالنا,,,

وردي لك لأنك طلبت مني أرجع أقرأ موضوعك,, وهذي النتيجة

اني قرأت ردك وكل الردود,, وجيبت أكلمك بأسلوب أكثر صراحة وتعبير,,,

مع اني طول عمري أشجع الآخرين حتى إذا أخطأ أحدهم,,, وأحاول توجيهه بطريقة ودية ولطيفة,,

لكني لا أستطيع أن أسمح لهذا النوع من المواضيع أنها تشوش على الآخرين,,,

دمتم بود

تحياتي