|
الله يخليكم الحقوووو بستي
السلام عليكم ورحمة الله وبركاته
كتبت مشكلتي هذه في منتدى ثاني من 3-4 ساعات وللأسف ماأحد رد علي قلت أجرب هنا
يمكن ألقى جواب
أخواني في الله هذي أول مشاركة لي والله يخليكم ساعدوووووووووني
عندي بسه بلدي مدري كم عمرها لقيتها صغيرة لوحدها وخفت عليها وأخذتها قلت أربيها لحد
ماتكبر وتصير تعتمد على نفسها بعدين أخرجها برى تكمل حياتها دحين لها 3 شهور عندي واليوم
طلعتها فوق مكان عالي شوي يمكن ارتفاعه متر وربع عشان تتعلم كيف تقفز المهم
ويالييييييييييتني ماطلعتها نقزت
وشكلها رجولها انفتحت مدري فهمتوا علي ولا لا يعني بعدت عن بعض لما وصلت الأرض ( الأرضية
سيراميك ) الرجل اليمين راحت يمين واليسار راحت يساروصارت ماتقدر تمشي وتطلع صوت
لماتحاول توقف ووحدة من رجولها أظن االيسار ماتقدر تمدها تثنيهاورافعتها عن الأرض وماتقدر
تدعس على رجولها وماغير متمددة على الأرض ويدها اليسار كمان ماتنزلها الأرض
زوجي الله يهديه مارضي يوديها الطبيب يقول خليها تمشي لوحدها بعد فترة صراحة أنا قلبي
يتقطع عليها وذااااابحني إحساسي بالذنب عشان أنا اللي طلعتهامع إنها مرة قبل كذا طلعتها
ونقزت عادي بس بعد تردد
الله يخليكم ردوا علي من أول وأنا جالسة أبكي وأمسح عليها حاولت أمد رجولها وأدلكها لها بس
خفت أضرها بدل ما أنفعها
عارفة تكلمت كثير بس ضميري يأنبني وماني قادرة أسوي شئ
|