منتديات تو زوو - عرض مشاركة واحدة

BAHLOOOL · 21-06-2009, 10:23 PM

السلام عليكم
اولا اخواني الاعضاء مافي دليل ابدا يثبت ان الذكر خطر على عياله
بالعكس تماما
وبالذات بالروسي لانه اجتماعي
الذكر مسالم مع عياله ومع امهم لاٌقصى الحدود ويساعد الام انه يحافظ على عيالها داخل البيت وما يخليهم يطلعون بعيد
هذا اعتقاد خاطئ جدا وانا مستغرب من الي يقولون ان الذكر ياكل عياله
بالعكس الانثى هي الي تاكل عيالها والذكر مستحيل ياكلهم
ثاني شي
انا اربي هامسترات من 7 سنوات
ما عمري شلت الذكر من زوجته وقت الي تولد
دايما اخليهم يكبرون مع امهم وابوهم
ولا انثى عندي كلت عيالها ولا ذكر عندي أذى عياله
اختي
خلي الذكر عندهم عادي
وخلي الام عندهم
ومثل ما قال اخوي
سويلهم بيض (بدون زيت) يعني خلطيه البياض (مع الصفار) وطبخيه بالمقلى بدون زيت لان الصفار فيه دهون والام تحتاج هاذي الدهون لتكوين حليب قوي حق الصغار لكن اذا ما عندها صغار عطيها بس البياض علشان ما يزيد الدهن والكوليسترول بدمها(وبالشتاء عطيهم الصفار علشان يتكون دهن يحميهم من البرد وراح يحرقون الدهن بالعجله الدواره)
بس لا تفوحين البيض مثل ما هو بالماي وبعدين تقشرينه مو لذيذ وماراح ياكلونه
مرتين الى ثلاث مرات بالاسبوع
وخلي الماي دايما نظيف وموجود والاكل متوفر لان الام تبي تغذيه علشان تطلع الحليب وما يصير فيها جفاف وضعف وتموت
والوقت الي تقعد الام تاكل فيه الذكر هو الي يحافظ على العيال.
وبس
سن البلوغ عندهم شهر ونص بس ما انصحج تزاوجينهم اولا لانهم اخوان وراح يزيد معدل نفوق اطفالهم ويطلعون بعيوب وامراض خلقيه اكثر مثل(الذكر بخصيه وحده,الاناث بدون رحم,سرطانات واورام,عمى,عقم في الذكور وتشوهات في الاعضاء التناسليه) طبعا مو كل الصغار يصير فيهم بس تزيد نسبة هاذي الامراض فيهم.
ثاني سبب لان عمر الشهر ونص صغير حيل للتزاوج بالنسبه للانثى وينتج عنه(قلة عدد الصغار,تعب الام لان حجما صغير,التهامها للصغار لانها صغيره وما تفهم وتخاف,نفوق الام بعد الولاده على طول,نزيف)
وفترة الي تقدرين تفصلينهم عن امهم وياكلون بروحهم من 3 اسابيع الى 4
بس ما انصحج تفصلينهم قبل هالمده
سويتها مره وضعفو وماتو
بس بعد الشهر لا تخافين عليهم اذا تبين تبيعينهم او تهدينهم لأحد واذا تبين تخلينهم مع ابوهم وامهم ماكو مشكله بس ماراح تحمل الام وراح تصير فوضى(الابن يتزوج امه والابو يتزوج بنته واذا يابو عيال راح ياكلونهم لانهم يخافون على عيالهم من بعض)
في نقطه ثانيه

الاعضاء صح بكلمة فصل الذكر وقت الولاده لسبب واحد بس

هو ان الذكر وقت الي تكون الانثى قاعده ترضع وتربي عيالها يحاول يتزاوج معاها
وهالشي يزعجها ويربكها واذا حملت منه راح تتعب ويصير فيها اجهاد قوي وتموت
لكن غير جذي ماكو سبب يخلي الذكر يكون بعيد عن عياله
وانا اخليه معاها ويحاول يتزاوج معاها وتطرده ويصدع راسها منه
وعادي
يكبرون العيال وبالنهايه تستسلم وتحمل منه بعد شهر من الولاده ومافي شر انشاءالله
وراح تلاحظين ان الذكر دايما يقعد على جنب او برا البيت بروحه زعلان مطرود والام مع الغاليين بروحهم

بالأخير الهامسترات ثديات قويه وتتحمل الظروف الصعبه
يعني لو ما سويتي كل هذا الاعتناء بالاكل وتنويعه راح تعدي على سلام
ولكن هالاشياء تسوينها اذا تبين صغار صحيين ومتعافيين وام صحيه جاهزه للحمل مره ثانيه بصحه وقوه وما تتعب وتنفق بالحمال الثاني.
وآسف على الإطاله.

21-06-2009, 10:23 PM	#6
BAHLOOOL هاوي جديد	رد: هامستري ولدت ! والله ولدت ! ايش تنصحوني السلام عليكم اولا اخواني الاعضاء مافي دليل ابدا يثبت ان الذكر خطر على عياله بالعكس تماما وبالذات بالروسي لانه اجتماعي الذكر مسالم مع عياله ومع امهم لاٌقصى الحدود ويساعد الام انه يحافظ على عيالها داخل البيت وما يخليهم يطلعون بعيد هذا اعتقاد خاطئ جدا وانا مستغرب من الي يقولون ان الذكر ياكل عياله بالعكس الانثى هي الي تاكل عيالها والذكر مستحيل ياكلهم ثاني شي انا اربي هامسترات من 7 سنوات ما عمري شلت الذكر من زوجته وقت الي تولد دايما اخليهم يكبرون مع امهم وابوهم ولا انثى عندي كلت عيالها ولا ذكر عندي أذى عياله اختي خلي الذكر عندهم عادي وخلي الام عندهم ومثل ما قال اخوي سويلهم بيض (بدون زيت) يعني خلطيه البياض (مع الصفار) وطبخيه بالمقلى بدون زيت لان الصفار فيه دهون والام تحتاج هاذي الدهون لتكوين حليب قوي حق الصغار لكن اذا ما عندها صغار عطيها بس البياض علشان ما يزيد الدهن والكوليسترول بدمها(وبالشتاء عطيهم الصفار علشان يتكون دهن يحميهم من البرد وراح يحرقون الدهن بالعجله الدواره) بس لا تفوحين البيض مثل ما هو بالماي وبعدين تقشرينه مو لذيذ وماراح ياكلونه مرتين الى ثلاث مرات بالاسبوع وخلي الماي دايما نظيف وموجود والاكل متوفر لان الام تبي تغذيه علشان تطلع الحليب وما يصير فيها جفاف وضعف وتموت والوقت الي تقعد الام تاكل فيه الذكر هو الي يحافظ على العيال. وبس سن البلوغ عندهم شهر ونص بس ما انصحج تزاوجينهم اولا لانهم اخوان وراح يزيد معدل نفوق اطفالهم ويطلعون بعيوب وامراض خلقيه اكثر مثل(الذكر بخصيه وحده,الاناث بدون رحم,سرطانات واورام,عمى,عقم في الذكور وتشوهات في الاعضاء التناسليه) طبعا مو كل الصغار يصير فيهم بس تزيد نسبة هاذي الامراض فيهم. ثاني سبب لان عمر الشهر ونص صغير حيل للتزاوج بالنسبه للانثى وينتج عنه(قلة عدد الصغار,تعب الام لان حجما صغير,التهامها للصغار لانها صغيره وما تفهم وتخاف,نفوق الام بعد الولاده على طول,نزيف) وفترة الي تقدرين تفصلينهم عن امهم وياكلون بروحهم من 3 اسابيع الى 4 بس ما انصحج تفصلينهم قبل هالمده سويتها مره وضعفو وماتو بس بعد الشهر لا تخافين عليهم اذا تبين تبيعينهم او تهدينهم لأحد واذا تبين تخلينهم مع ابوهم وامهم ماكو مشكله بس ماراح تحمل الام وراح تصير فوضى(الابن يتزوج امه والابو يتزوج بنته واذا يابو عيال راح ياكلونهم لانهم يخافون على عيالهم من بعض) في نقطه ثانيه الاعضاء صح بكلمة فصل الذكر وقت الولاده لسبب واحد بس هو ان الذكر وقت الي تكون الانثى قاعده ترضع وتربي عيالها يحاول يتزاوج معاها وهالشي يزعجها ويربكها واذا حملت منه راح تتعب ويصير فيها اجهاد قوي وتموت لكن غير جذي ماكو سبب يخلي الذكر يكون بعيد عن عياله وانا اخليه معاها ويحاول يتزاوج معاها وتطرده ويصدع راسها منه وعادي يكبرون العيال وبالنهايه تستسلم وتحمل منه بعد شهر من الولاده ومافي شر انشاءالله وراح تلاحظين ان الذكر دايما يقعد على جنب او برا البيت بروحه زعلان مطرود والام مع الغاليين بروحهم بالأخير الهامسترات ثديات قويه وتتحمل الظروف الصعبه يعني لو ما سويتي كل هذا الاعتناء بالاكل وتنويعه راح تعدي على سلام ولكن هالاشياء تسوينها اذا تبين صغار صحيين ومتعافيين وام صحيه جاهزه للحمل مره ثانيه بصحه وقوه وما تتعب وتنفق بالحمال الثاني. وآسف على الإطاله.