[ملك الزيبرا]

عمران تحياتي لك فى البدايه

بقول لك كلام بس حطه فى بالك عدل

1) الذكاره عندك مخددة بالأورنج ويبالهن أناثي أورنج يعني نفس اللون
وأنته مركب أناثي بلاك , فالتركيبه غلط فى الزوجين

2) القفص وايد صغير وهذا القفص مايكفي زوج واحد للأنتاج فمابالك لو
كانو زوجين اكيد العمليه بتكون أصعب

هاي المشاكل اللي عندك

أما الحلول فهي كالأتي

1) حاول ترد عند المكان اللي أشتريت منه الطيور وتبدل الأناثي وتيب
أناثي أورنج ول تبدل الذكاره وتاخذ ذكاره خدودهم سود والأفضل أنك تنوع
بالأزواج يعني تحط زوج أورنج وزوج أسود

2) حاول تشتري لكل زوج قفص لحاله يعني حط كل طير ذكر مع نثيته فى
قفص بروحهم وأنصحك تبدل هالعش لانه ماينفع وفيه عشوش تكون من الخوص
صناعه تايلنديه موجوده فالسوق أحسن من هالعش وبعد حطلم خيوط مال الكناري
بتحصلها فى كرتون أزرق أعتقد سعره درهمين ول ثلاث دراهم للحبه وفي البدايه
عق لم كمن خيط فى القفص إذا شلوهن وحطوهن فى العش بطل الكرتون من فوق
وجلع الغطاه ماله وخله فى قاعت القفص وهن بروحن بيشلن الخيوط


وأي أستفسار ثاني تراني حاضر ياعمران