[الكلاسيكي]

المشاركة الأصلية كتبت بواسطة GERMAN SHEPARD

سلام عليكم أخوكم من السعودية وانا من كنت طفل وانا اتمنى إنه يجيني كلب ولكن ما حصل

مر الوقت وفجأه كلمني صاحبي قالي انت تكلمني دايما عن الكلاب وتحبها وطرق تدريبها

انا عندي GERMAN SHEPARD هدية مني لك توه مولود من بطن أمه قلتله هات والف شكر يا رجل .

قلتله بس اول شي خله يرضع من أمه شهرين لجل ياخذ المناعة وبعدها نروح وناخذه ونبدأ تدريبة

بشكل تدريجي

الي حصل يوم دخلت هالموقع لقيت من بعض المواضيع جزاااااااااااهم الله كل خير

إن فعلا الكلب يبيله ميزانية قوية , بس في نفس الوقت انا ما اعرف هالميزانية كم !! وانا كل الي اتمناه

وراح اكون شاكر جدا جدا جدا , انكم تعلموني هل الـ GERMAND SHEPARD ودود بشقة عزابية !!

مع العلم اني ساكن لحالي , وبالدور الثاني وشقتي صغيره ( غرفتين ) ! هل هذا الشي بيأثر عليه !!

لا مايأثر عليه عادي ..

مع العلم انه جمبي حديقة كبيرة جدا وكنت مخطط إني آخذه هناك للتدريبات والترفيه ,

وهذا السبب ان في حديقه عندك عشان كذا قلتلك مايأثر عليه ..

هل يحتاج بيت !! لأنه الميزانية عندي مو قوية وما أقدر اشتريلة بيت غالية جدا فوق المعقول , ؟

لا ميزانيته في البدايه بس بعدين مافي ميزانيه ..

هل راح يأثر عليه هالشي لو عاش معاي دون بيت حديد !! مثلا على مخده احطه وكذا !!

لا مراح يأثر لأنك بتدربه وبيتعود على البيت بدون حبس وكذا افضل على فكره ..

بس علمه على دورة المياه افضل عشان ترتاح من سالفة ..

قضاء الحاجة ..

الأكل الي لازم أوفره للكلب وش يكون !! انا اعرف انه ياكل 3 وجبات يومية حتى 6 شهور

نعم صحيح وتحتوي على دراي فوود ودجاج وخضار وغيرها ..

وممكن من الي يتبقى من اكل البيت ..

تعرف انت عزابي يعني كل مطاعم وبخاري وغيره ..

لا تقصر معه ..

ثم تتقلص المده الى وجبتين بعد كذا . ؟

نعم صحيح ..

بالعربي كل الي ابيه منكم انكم تقولون لي وش أسوي ؟ !!

اهاااااااااااااااا قول كذا من زمان طيب ابلشتنا ..

من اجيبه لين يعيش معي عمر طويل ان شاء الله , وش الإبر إلي أعطيه اياها !

شوف اخوي بخصوص الأبر البيطري بيعرف المطلوب ريح نفسك انت ..


مع العلم إني أعيش في منطقة لحالي مالي لا أهل ولا أقارب وانا محتاجة لجل يكون لي صديق

وانا الحمدلله عمري 23 وموب صعب أفهم الأمور ,

لو كان وضعي جدا صعب قولولي لكن لو كان فيه حل تكفى أبي حلولكم ريحوني وخلوني اجيبه !!

وانا ان شاء الله راح اتبع كل انواع التدريبات المطروحه في هالموقع وراح أكلم كل الي اعرفهم

لجل يجون هالموقع الرائع مع جزيل الشكر والمتنان

مرحبا اخي بعد اجابتي على اسئلتك نروح للحوار العام .. وهو

مكان النوم ..

وفر مكان للنوم في زاوية الغرفه او المجلس ..

يكون فيها مثل الفراش الصغير على حسب حجم الكلب ..

الأكل ..

قلتلك في السابق ايش تأكل الكلب .. وانصحك للتوفير ..

اشتر كيس دراي فوود حجم كبير اوفر لك بكثير وسوف تحتاجة للأيام التي لايتوفر لديك اكل ..

واشتر له كالسيم لأنه يحتاجة و استمر بوضعه لمدة سبوع واسبوع بدون ..

مقدار ملعقة من حجم وسط ..

ولا تعلم الكلب ان الأكل يبقى عنده علمه ياكل على طول ولا شيله ولا تعطيه أكل لين اليوم الثاني ..

عشان يتعود يفرق بين اوقات اللعب واوقات الأكل وغيرها ..

ملاحظة :

تعامل مع مطعم تاخذ منه اكل بشكل يومي ولا يوم ورا يوم وتحاسب المطعم ..

كل شهر ..

التدريب..

ابداء معه من سن الـ 5 شهور وابداء معه على خفيف يعني تسلى عليه ..

اجلس تعال روح هناك عيب وغيرها من هذا الأوامر لتكون اساسيات للتدريب ..

المناخ ..

حاول يكون الجو معتدل ولا تحكر الكلب كثير في البيت خله يخرج ويشوف الناس لأن في بداياته لازم يتعود على الناس والسيارات وغيرها ..

عشان مايسير خواف وتكون ثقته كبيره في نفسه ..

و و و ودي انك تحط له مكان اذا يكفي في البيت تبعك يكون مغلق ..

لأن ممكن تحتاج انك تحبسه ولا تعاقبه ولا لأي سبب كان ..

وهذا كل الي تحتاجة بالبداية يالغالي واي شيء ثاني نحن في خدمتك بس بشرط ..

انك تقراء اول المواضيع المثبته قبل السؤال ..

ونحن في الخدمة .. ولا تنسى اصحابك ترا ماعندنا الا عقاب ..