[لوتيه]

المشاركة الأصلية كتبت بواسطة soso.KDN

السلام عليكم ورحمة الله وبركاتة

وعليكم السلام و رحمة الله و بركاته

من يومين جاني هديه فرخ ببغاء الدرة المطوقة اصلا انا ما كنت عارفة ايش اسمو
ومن اي نوع
مبررررررروك طير في قمة الروعه و حلو حق المبتدئين في عالم الطيور
المهم دخلت المنتدى العزيز و جلست عليه الى ان عرفت من اي نوع
المهم الفرخ تبعي على حسب الصور الي شوفتها انو عمرو 25 ...يعني في دا العمر
انا بصراحة ما ااعرف لتربية الطيور ولا مرا ربيت حيوان
يعني مني عارفه كيف اتفاهم معاه
هوا مرا حبوب واستناه يكبر باسرع وقت لانو لسه ريشو ما اكتمل
\انا كتبت الموضوع عشان تساعدوني وادخل دا العالم <<<عالم تربيه الطير
انا حبيت اني اطرح اسئله وانتو جابوني عليها معليش راح اتعبكم معايا
1- ما المكان المناسب لوضع الفرخ فيه ؟
كرتون و ضعي فيه نشارة الخشب و لو تحطيله دبدوب حق ينخش تحته بعد زين 2-
نوع الاكل المناسب ؟
تعطينه اكل مخصص لفروخ الببغاء و اذا مش متوفر عندج عطيه سرلاك بالقمح لين توفرين الاكل ماله الانه السرلاك يسبب له اسهال 3-
كيف اعرف انه شبع ؟
يوم تكبر الحويصله يعني تحت رقبته عرفتي ولا ؟؟4- كم مرا يجب اطعامه ؟
انا عن نفسي كنت اعطيهم كل 4 ساعات او كل 5 ساعات لين ما تندحب الحويصله و بعدين اوقف 5-
هل يشرب ماء ؟
بعد الاكل حطي بالابره شويه ماي ملي واحد او نص ملي و قطري له في ثمه 6-
كم ساعة ينام ؟
الا كم ساعه يصحى الفرخ لا تطلعينه من الكرتون وايد و لا تغييرله الجو يعني برد حر حطيه في مكان يكون الجو معتدل فيه و بدون مكيف عشان مايمرض بعدين الفرخ بس ياكل و ينام يعني ماتقدرين تلعبين معاه وايد يوم يكون فرخ الانه كل ما ياكل ينعس و ينام و الافضل ما تطلعينه عشان مايمرض من تغيير الجو ..
7- اقدر اروشو <<<يعني احممو ؟ موع اجبني شكلو
لالالالا شو تروشينه على كيفج شكله مب عاجبنج هذي خلقة ربج خخخخ الترويش مابيغير شي بس يوم بيطلع الريش بيصير حلو اصبري عليه ان الله مع الصابرين 8-
هل يتعلم الكلام من هذا السن ؟
لا طبعن بعده صغير بس يفضل يوم تين تعطينه الاكل تقوليله مثلن نم نم خخخ نفسي ههه يوم اعطيهم اقولهم نم نم منو يبا نم نم خخخخ و يتمون يزاعقون و اعطيهم اكل 9-
هل استطيع حملة دون أي مشاكل ؟ اذا كنت استطيع فما هي الطريقة المناسبه؟
تحملينه بايدج الثنتين هذا بيبي و مايكون يعرف يمشي عدل عشان يوقف على صبوعه 10-
هل يتعلم الطيران في هذا السن ؟
خلي الريش يكتمل بعدين لاحقين على الطيران قد شفتي طير يطير بدون ريش 11-
اقدر اطلعو على الشمس ؟
اذا بتطلعينه طلعيه بداية الشمس يوم تظهر و لا قبل الغروب مب يوم الشمس حاره بيحترق و بيموت 12
-كيف اقوي منقارة؟
اول مره اسمع هالسؤال 13-
هل يستطيع الوقوف على اصبعي او يدي ؟
لالا بعده حبي توه بيبي مسكين بتوقفينه على اصبعج هذا عقاب ماحل الواجب ولا شو امزح لا تاخذين بخاطرج و ان شاء الله اكون افدتج ..
وبس بعد تقولين بس خخخخخخ خليتي شي
طولت كتير هيه والله وايد
كان عندي اسئله اكتر بس نسيتها في الوقت الحالي
بعد نسيتي هذا اول مشاركه و هريتيني عيل المشاركات اليايه شو بتسويبي
هو الان مرا هادئ ما يطلع صوتوا الا ازا احد قرب منو وكلمو
ولحد الان ما اعرف ازا كان ذكر ولا انثى
اكيد مابتعرفين عزيزتي لين مايكبر مايعرفون شو جنسه الا يوم يكبر
اتمنى كلكم تجاوبوني بلي تعرفوه
وازا في معلمومات غير هادي اتمنى انكم تفيدوني
تحياتي
soso.KDN

هلا بج والله و السموحه يعني اذا خذيت عليج بالردود بس امزح و اي استفسار نحن حاضرين نعين و نعاون و الله يخليلج فرخج و يحفظه لج ...
و مرحبابج فالمنتدى ...