مثلي بعد يا ورد راحوا وخلّـوك ..
وإلا على غيرك من الورد " طاحوا "
يا ورد و ان مرّت ليــالي ولا جوك ..!
ولا عقب ما جوك صــدّوا و شاحوا
طنـّـش أنا مثلك وطت رجلي الشوك ..
عشـــانهم و اليوم صدّوا و راحــوا
ما ألوم قلبك يوم يا ورد غــرّوك ..
شفهم معي لـ أقصى الحنايا أستبـاحوا
لو أنهم يا ورد من عقب قصـّوك ..
على جفاف أوراقك الخضر ناحوا
يمدي " عذرناهم " لكنهم ما جوك
من يوم ما طحنا ولا يوم لا حوا ..
ياورد أنا ويـّـاك شابك ومشبوك ..
ودموعنا تروي الظمأ يوم ســـاحوا
بـ الله لو عقب البطا بـ يوم مرّوك ..
و بـ جروحهم عندك من الضيق بــاحوا
لابد تذكر كم ياورد بكــّــوك ..
وكم ليلةٍ تبكي إلين أستــــــراحوا
ياورد عادي لو بـ الإحساس غشّوك ..
لو أن من طيبك مع الناس فـــاحوا
تبقى لك الذكرى ولو هم تناسوك ..
لو أنهم عن دربك اليوم زاحـــوا