اختي miss 3alya
بالنسبة للشنشيلا
اهو كائن مره حساس
وانك تربينه لازم تعامله مثل الطفل الصغير
لانه حتى تكسبين ثقته مره صعب ولو كسبتيها
وحتى من غير قصد صرختي بجنبه او صرختي عليه او لحقتيه
راح يخاف منج ويصير يبتعد عنج وممكن تتاذى نفسيته ويضرب عن الطعام
وروتينه اهوا حيوان ليلي طبعا
فراح تحصلينه الصباح نايم
وبالليل راح يصحى
ويبيلك تطلعينه برا القفص يوميا يلعب بالغرفة ويدور وتلعبين وياه
واياج تلحقينه او تركضين وراه لما تبغين تدخلينه داخل القفص بهالطريقة بيصير يخاف منج اكثر واكثر
بالنسبة للاكل
طبعا ما يصير تعطينه غير اكله
لانه النظام الهضمي للشنشيلا مره حساس
وممكن لو اعطيتيه اكل غلط يمرض او يموت عليج لا سمح الله
لذلك يحب تقدمين له الاكل المخصص للشنشيلا
وما تعطينه اي حاجه حتى ياكلها حتى لو اهو طلبها
مثل تاكلين شوكليت او شيبس وجا عندج ما تعطينه اياه
اما اماكن بيعه بالرياض
فانا شفته بالمحلات التالية
جزيرة الحيوان ومتوافر عندهم بكثير وبعدة الوان
الحياة والطبيعه - واحة الحيوان - قرية الحيوان - جون - قصر الحيوان - الفيفا - غاتر تحسين - ركن الحيوان - غرائب الحيوان - عجائب الحيوان
هذي المحلات الرئيسية والي ممكن تحصلين عندها 90 % باقي المحلات اغلبها صغير وماعتقد تحصلين عندهم
وبالتوفيق