|
رد: احساس ...بس مو متأكدة منه..
بالنسبة لأعراض التزاوج عند الذكور تختلف عنها عند الإناث و من أهم الأعراض هي التبول في أركان المنزل طبعاً على غير العادة و كمان رائحة البول تكون نفاذة أما بالنسبة للمواء فهو مش شرط لإن الشيرازي قلما تموء حتى في طلب التزاوج طبعاً مش كلها بس المواء بيكون أكتر في الرومي و البلدي أو حتى السيامي أنا و الحمدلله قططي خرس لاء بجد انا قططي لما بيطلبوا الجواز الحمدلله بتكون الأعراض حركات بس سواء ذكور أو إناث و بعدين ممكن تقوليلنا هو عمره قد إيه؟؟؟؟؟؟؟؟ لإنه ممكن يبلغ و لكن مايكونش لسة جاهز للتزاوج
و كمان نوعه لإن عمر التزاوج بيختلف بإختلاف الفصائل في القطط و درجة نقاء الفصيلة يعني البيكن فيس مثلاً كل ما كان بيور كل ما تأخر عمر التزاوج حتى لو بلغ بس عموماً حكاية المواء ديه بتقول إنه غالباً عايز يتجوز عموماً جربي هاتي أنثى (على شرط تكون هي طالبة التزاوج)
أولاً:- لإنها لو مش طالبه التزاوج مش هايعرف يقربلها
ثانياً:- حتى لو حاول معاها غصب هاتقوم بينهم معارك طاحنة و هاتبقى وظيفتك في الحياة هي فض الإشتباكات (إسألي مجرب لإني بعاني حتى الان من المشكلة ديه القط عايز يتجوز و القطة حامل بالتالي بيضربها بمنتهى العنف لدرجة إن الدكتور بيقول إنه ممكن يجهضها)
ملحوظة القطة حتى لو طالبة التزاوج لازم تتأكدي إنها ماتجوزتش بالفعل لإن القطة حتى بعد التزاوج بتفضل عندها الاعراض لإن هرموناتها بتكون لسة عالية لكن القط بيشم إن فترة الشبق عندها إنتهت و بالتالي ممكن يرفضها مع إنه عايز يتجوز
ربنا معاكي في رحلة البحث عن عروسة لإنها رحلة متعبة و شاقة
|