[فلاح القاسم]

رجعت من الشارقة بعد ما اشتريت مجموعة طبيبة من الأرانب وعصفورين بادجي و أقفاص و خشب منشور حق الهامترات وأكل و و و إلخ.

ما خلصنا

رحت عند قفص الأرانب وتفاجأت أنه إحدى الأرنوبات ولدت خارج بيوت الولادة يعني في الخارج.

وذلك بسبب أن السيدة أرنوبة ( وحش) << هذا لقبها

تضرب كل الأرنوبات وخاصّة الأرانب ذات الحجم الصغير جدا...


هذه صورة الأرنوبة الوحش فيها كشة نفس الأسد



طبعا أنا أربّي أرانبي في طريقة ذكية نوعا ما ..

وهي قفص خشبي من كل الاتجاهات حتى الأرضية

وهذا يفيد أنه ما يخلي الأرانب تحفر زيادة عن اللزوم ..

لذلك وضعت لهم بيوت وشوية تراب علشان يسكروا حفرهم بعد الولادة.


وهذا هو المثال :



طبعا الأرنبة ( الوحش) ما تسمح لأي كان يقترب من بيت عيالها الـ 3 ـة

وأنا عندي 4 أرنوبين صغار من غير مأوى

قررت أعاقب السيدة ( وحش) فنتّفت منها بعض وبرها وجمعته لين صار يكفي لتدفئة الأرنوبين الصغار ..

لأن المشكلة أنه عيال السيدة ( وحش) أكبر من الصغنطوطين الصغار بـ أسبوع ونص تقريبا والوبر اللي عملته لهم اندفن فكان لازم نجيب وبر ثاني للجدد.

والميزة في الوحش إنها تحب الأطفال وتهتم فيهم حتى لو ما كانوا عيالها..

فقلت بحط العيال الـ 4 عند الـ3 أحسن لهم

لأن أمهم مستحيل ترضعهم أو تهتم فيهم.

واليوم دخلت أشوف النتيجة

فأول شيء عملته

غطيت البيت اللي فيه الـ ( وحش) بنعلي علشان ما أتكفخ لو كشفت على عيالها.



بعدين فتحت على العيال

شوفوا :




وهذي بعد صورة ثانية



كبروا ما شاء الله شوي