|
الجمع بين نوعين من الببغانات
السلام عليكم ورحمة الله وبركاته,,,
مساكم او صبحكم الله بالخير جميعا 
على كثرة المواضيع اللي تتكلم عن الأفريقي وعن الأمزوني في هالمنتدى الا انه ما قد احد تطرق لمسألة الجمع بين نوعين مختلفين من الببغاوات(في البيت وليس في القفص او بهدف التزاوج)
مثلا كوكاتو مع مكاو!! .....افريقي مع امزوني!!
فحبيت انا اطرح هالتساؤل....لأني عندي افريقي وناوي بإذن الله اشتري امزوني يلو ناب
وش الأشياء اللي لازم احطها في الحسبان واحسبلها حساب على اساس ما انصدم بشيء اذا اجتمعوا...واكون مثلا متوقع ان الامور تبي تمشي طبيعيه وتصير غير المتوقع
هل صحيح ما سمعت انهم اذا كان واحد منهم يشوفك تدلع الثاني او تلعبه...يحقد عليك واذا جيت تلعبه يعضك ومدري شلون...خصوصا الامزوني سمعت انه يغاااار بشكل كبير
الشيء الثاني...هل اذا كانوا مع بعض يبي ينشغلون ببعض ويصفرون ويتركون الكلام.....هل يبي يكون بينهم طقاق<<<حشا ديكه ذولي مهوب ببغانات 
يعني سؤالي بشكل عام.....وش راح يكون الوضع اذا اجتمعوا ...سواء في غرفه وحده او مثلا في غرفتين جنب بعض بحيث ان كل واحد يسمع الثاني بوضوح...
ااسف على الإطاله عليكم لكن ما ابي انصدم بشيء غير اللي انا متوقعه...ويا ليت نشوف رأي الخبراء.....واللي جربوا هالشيء
مشكورين مقدما والله يعطيكم العافيه
__________________
KoKo  ....I Love You
التعديل الأخير تم بواسطة : بوفهد بتاريخ 29-05-2006 الساعة 06:45 AM.
|