[roshy&hany]

السلام عليكم ورحمة الله وبركاته

اولا انا بحبكم فى الله لان المنتدى ده علمنى كتير وفاضلى شوية وابقى دكتورة بيطرية من كتر المعلومات والخبرة اللى اكتسبتها منكم ههههههههههههه .. وبجد انتم عمركم مابخلتوا على اى حد باى معلومة وبتقولوها من كل قلبكم وبكل صدق وصراحة

بدون تطويل .. انا كنت مربية قطة سيامى وبصراحة كانت فى منتهى الجمال وكانت بتحبنى وبتحب الولاد وكانت حنينة جدا .. لكن لظروف خاصة اضطريت انى ابيعها

وانا الان افكر فى شراء قطة هاف بيكن او مون فيس لكن ان شاء الله تكون هاف بيكن ... السؤال هو (( هل شعر القطط الشيرازى يتطاير بصورة كبيرة ؟ )) بصراحة عندى سجاد غالى جدا وخايفة عليه ههههههههههه ... والاغلى ان عندى طفل صغير اخاف الشعر يعمله حساسية بصدره

الرجاء ماتبخلوش عليا فى السؤالين اللى فاتوا لانهم اهم اسئلة عندى والله مش بنام من كتر التفكير

اخر حاجة .. هل للهاف بيكى وللمون فيس عناية خاصة واكل خاص ؟؟ ماهو ؟
هل بجد القطط الشيرازى زى مابنقول عليها فى مصر اكل ومرعى وقلة صنعة ؟ يعنى بتاكل وتنام بس .. مش بتلعب ولابتتحرك وتقيلة وغبية وخصوصا الهاف بيكى

ارجو الرد سريعا ومن واقع خبرة وتجارب