[طير سارة]

المرى1

تجربتي مع الكاسكو الاول في التدريب كان التجويع لانه كان متوحش بطريقة غريبة

يعني ما اخلي اي اكل له بالقفص وكنت اقدم له لاكل باليد > بعد عدة محاولات استسلم وصار ياكل من يدي

و اشوي اشوي صرت اقرب من راسه وانا اقدم له الاكل لين اخذ علي و صرنااا اصدقاء حتى وانااا جالس

على النت يجيني من الصالة للغرفة واذا كانت مسكرة يصفر علشان اعرف انه براااا وافتح له

وعلى طول لتحت الطاولة و يحط راسه تحت رجلي علشان امسح عليه

ولو غفلت عنه يحرك رجلي >> علشان امسح راسه

المهم هالطير صار يتكلم وعنده فصاحة رهيبة و يقول جمل وصار يقلد صوتي وضحكتي

وين ما اروح وراي ان شاء الله في دورة المياه الله يكرمكم >> تلقاه وراي ويوقف عند الباب

لكن ماااا يروح إلا الزين ماااااات في عيد الاضحي اللي راح

حزنت عليه حزن لا يمكن لأ احد ان يتصوره وهو السبب اللي خلاني اعرف المنتدي

سبب وفاته >> كنت اسبحه كل اسبوع و ذاك اليوم الجو اشويه براد وخليته ينشف مثل العادة في التهوية

والظاهر دخل للرئة ماي و علاج شهرين ولا فاد لحد ما مات

بعده شريت كاسيكو عمره 6 شهور وفي عيد الاضحي بيكمل سنة عندي و توه ما نطق الا قبل شهر تقريباً

لكن هذا ما استخدمت معاه عملية التجويع علشان كذااا اشوفه متمرد وما قادر اسيطر عليه وخاصة وهو فوق او داخل القفص




ارجوا انكم استفدتوا من تجربتي المتواضعة

تحياتي