[مشاعل]

السلام عليكم ورحمة الله

كل عام وانتم بخير /
ـــــــــــــــــــ

حبيت اسألكم يا أخوان
الكاسكو من يومين فاتح فمه وحسيت انه يتنفس بسرعه او انها دقات قلبه تهزه .. ما أدري
أحس (كأنه يضحك) < لاعمرك تشبهين تكفين
طيب لازم اوديه البيطري او مايحتاج ؟ < بليز قولو مايحتاج
ـــــــــــــــــــ

السؤال الثاني
انا من حرصي على الكاسكو احطه بغرفه مافيها مكيف ولا مروحه لأنه حسب معلوماتي انه يعيش في بيئه حاره مايحتاج مكيف .. هل يأثر عليه الحر او يضايقه او عادي ؟
ـــــــــــــــــــ

السؤال الثالث
الكاسكو ماشوفه يشرب الماء وش قصته معقوله مايعطش ؟
والفول السوداني يكّسر القشر ويطيح الاكل تحت رجوله علما أن عمره 5 شهور هل لأنه صغير مايعرف او لأنه شايف اني شارية له كيس كبير فول سوداني وعلى باله انه ولد عز ؟
ــــــــــــــــــــ

السؤال الرابع
اشوف الكاسكو يحك جسمه كثير عادي ارش عليه (بخاخ ديتول)؟
لان صاحب المحل اللي شريت منه الكاسكو يقول لاتحممونه توه صغير ممكن يمرض لاسمح الله.


ادري طولت عليكم معليش تحملوني انا واسئلتي توني طافه بالببغاء

طيب آخر سؤال/ متى يتكلم الببغاء عادة ؟ اللي عندي عمره 5 شهور


وجزاكم الله خير مقدما ً