[عايد]

مبارك عليكم الشهر وتقبل الله صيامكم وقيامكم ..

ياجماعه .. قطوتي قربت تولد .. لكن ودي اروشها اللحين لكن مدري اخاف مايعجبها الوضع وتقعد تحوس وتستهبل !! .. عاد بسالكم لو روشتها وهي داخل القفص عادي ولا لا ؟ اقصد يعني مايأثر على اللي ببطنها من كثر الرجه اللي تسويها

ثاني شي .. انا اعطي قطوتي .. الاكل البسكوت .. لكن بعض الشباب قالولي انه مهب زين هالاكل الجاف لانن يسبب الإمساك لها وهي حامل .. فبسألكم هل صدق هالكلام ولا كلام فاضي ؟؟


ثالث شي .. انا حاطها حاليا بقفص كبير داخل البيت .. وداخل القفص حاط كذا فوطه عشان ترتاح بالقعده .. وحاط بعد الحوض اللي داخله الرمل الصناعي .. وصحن الأكل والمويه .. لكن الله يصلحها تحوس فيهم وكل شي ينكب على شي .. فما ادري الى متى بيستمر هالوضع ؟

رابع شي .. اذا خلاص قربت تولد يعني مابقى الا يومين .. وش الاحسن اخليها بالقفص ماتطلع ولا تتحرك فيه .. ولا اخليها برا القفص تسرح وتمرح على كيفها ؟؟


اتمنى انكم تفيدوني وآسف لو طولت