[ديناصورة]

السلام عليكم أخوي أول شي هذيلة مو هامسترات هذيلة وبرات (( guinea pigs )) وأثنينهم من النوع الانجليزي على حسب الصورة، وشوف إذا مافي خلاف بينهم فشوف تأكد منهم إذا كلهم ذكور أو واحد منهم أنثى، وإذا كلهم ذكور فالحمد لله إنهم ما يتهاوشون يمكن متعودين على بعض من أول ما شريتهم ^_^ وينفع تشتري أكثر من أنثى وذكر واحد مافيها مشكلة اما عن تزواج الانواع فالأحسن إنك تزوج من نفس النوع وإذا بتزوج من نوع ثاني فلا تزوج ذو الشعر الطويل حيل من الشعر القصير حيل مثل الي عندك، اما عن أعمارهم ففي موضوع للاخت البطريقة يوضح لك أعمار الوبرات من أول 12 ساعة من ولادتهم إلى النضوج بالصور ورح تلاقيه من ضمن المواضيع الموجودة في القسم والوبر الهادي لا تخاف عليه يمكن لإنه خجول ومو متعود وجريء مثل الثاني فخله شوي وقت رح يتعود على الوضع وانشالله أفدتك