[عاشق ببغاء الدرة]

يارب مافي ولا خطأ
.................
سلام ..


إخواني أخواتي خبراء العصافير ..

عندي إستفساااار ..

عن الدرّه .. المطوّقه .. الخضرااء ..

عندي فروخ عمرهم 22 يوم .. و أبي أعرف منكم ..

هل فيه مجال أميّز بين الذكر والانثى منهم ؟ .. بأي شكل من الأشكال ..

الحجم مثلا او شيء معين في الريش او الجسم او الرجلين ..

ووو بسأل بعد .. هل لما يكبرون ويتضح الذكر من الانثى يفرق الذكر عن الانثى في التصفير واللعب ؟

و تحيااتي لكم
.....................
في هذا السن ماتقدر تفرق بين الذكر و الأنثى و ما في فرق بين الانثى والذكر في اللعب والتصفير
....................

السلام عليكم يالغالين ..

الله يسلمكم بغيتكم تفيدوني .. بخصوص الدرهـ

ما اعرف عمره بالضــبط ..

احس الريش ما اكتمل ..

وساعات يخاف مني ..

وساعات لو جاع يحاول يلحقني ..

\\

احس انه ياه اسهال ..

ممكن حد يفيدنيـــ ..

شوقلتوا ..

حد يساعدني ..
.....................................

ولله مالي تخصص في العمر ولكن ان شاء الله الاخوان ماراح يقصرو

الريش ياغالي اصبر عليه بالصورة لازال صغير جدا ولازم ياخذ وقت وانا اشوف ان ريشة طبيعي جدا ولكن اذا تاخر بالخروج فذا يدل على ان هناك مشكله وتوجد ادوية لمعالجة الريش



شئ طبيعي انا عندي كاسيكو احيانا يعض واحيانا مافيه احسن منه ولكن انصحك لاتقوم بعمل حركات سريعه او مفاجأة امامه كي لا يخاف .

واذا خاف او بدء بالصراخ لا تعيرة اي اهتمام حاول التقرب منه الكثر كي تثبت انك لاتريد ايذائة

طبيعي بيلحقك اذا لحقك وكله مافيه مشاكل

\\
من ناحية الأسهال اول شئ اذهب به للطبيب البيطري وللإحتياط و حاول تعطيه سيري لاك لانه يمسك بطنه شوي .


وبالنسبه اذا اكلته مثلا تفاح او فواكة بشكل عام طبيعي يسهل مثلك عارف ان الفواكة تحتوي على نسبه كبيرة من السوائل
.......................................
هلاااا

بصراحه مشكورين على هالوقفه اللي توقفونه مع الهاوين الجدد .,’

وما تقصررووو .,’

حابه اقول انه انا عندي فرخ دره عمرها 25 يوم والتاني عمره شهر واسبوع .,’

25 يوم اسموه:: كوكو والتاني شهر واسبوع سميتها: ميمي
المشكله الحين في ميمي .,’

أول شي لاحظت انه ذيلها مو موجود مع انه ريش جناحها كامل وكبير ماشاء الله .,؟؟ انا جابولي اياها هيك بدون ذيل ؟ راح يطلع من جديد بس بيتأخر؟ يعني يحتاج له وقت لين ما يطلع من جديد؟

وبرضووه اليوم انا حممتها بمويه وشامبو .,, بي خررعتني ., خوفتني حيل ., سكرت عيونها ما يقارب النص ساعه ., فكرتها حتموت ., بس بعدين قامت وصارت متل الخيل واقوى خخ

بس مسكينه رجلها منكسر الاصبع الطويل ما تقدر تحركوه مدري ليه جامد .,’ ؟؟

انا قولت اني حخليها مع الايام راح تتجبر الكسر ويرجع الاصبع متل ما كان ؟؟

او بشوو تنصحوووني ؟

كمان لو ربيت الفرخين مع بععض بنفس الوقت حيتكلموو ؟؟ سمعت انهم ااذا كانو اتنين بنفس الوقت ما يتكلمو .!؟ صحيح هالمعلومه ؟
فديتكم مشكورين
....................
ريش الذيل من خلال ملاحظاتي انها بطيئة النمو و على فكرة انا درتي النيبالية اخذت فترة شهرين لين طلع لها ذيل كامل بس لازم تتاكدين الذيل مو مكسور الريش ماله (اذا مكسور لازم ينشال بس يحتاج الى واحد متخصص)

يفضل عدم استخدام الشامبو البشري للطير و الحمام عادة يسبب الخمول فاعتقد هذا هو السبب (الطير اخذ له قيلولة)

حاولي انج تاخذينه الى البيطري علشان الجبيرة لانه احتمال الكسر يؤدي الى اعاقة بسبب عدم تجبيرها بالطريقة المناسبة

لو تربين خمسة فروخ بعد لاني ربيت و تكلموا كلهم
.......................

لدي طائر الدرة وهو مروّض قليلا فهل من الافضل ان اقص جناحه ام ادعه يتجول بحرية داخل المنزل مع العلم انه معي منذ شهرين ونصف وقص البائع جناحه عندما اشتريته
......................

أكيد إذا لاحظت أجنحته طالت شوي ارجع قصهم

لاتقول بستنى كم يوم ويمكن بعدها يطير
.............
قبلة مدة وجيزة اشتريت ببغاء فرخ الدرة مطوقة صغيرة جدا وكانت نشيطة جدا وكنت اطعمه

سيريلاك وكان ياكل جيدا بلا اي خوف وبعد كم يوم صار مياكل الا بالقوة ما اعرف ليش......بس

يشوف السرنج يقترب وبعدين يترك ويذهب ....ما اعرف شنو السببب ارجو الافادة منكم.

واكو شئ مو طبيعي الاحظ من فتحة انفه مادة مثل السائل وصار له زكام يعطس بس خفيف وهو

نشيط ماكو اي مشكلة بس مااعرف شنو هذا الزكام .....ومع علم ان انا ادفئه دائما من الهواء

البارد...وارجوا من الجميع بان يشرحوا لي شنو التغير المفاجئة مياكل الابالقوة....وشنو هذا

السائل الشفاف يطلع من انفه........وشكرا..


وهذا هو كم من صورته


....................................
السلام عليكم
اخي الكريم الف لا بأس على هذا الفرخ الجميل
امر طبيعي يااخي ان يفقد شهيته لأنه مصاب بزكام .وجيد منك انك تحافظ على تدفئته بشكل دائم .انا اقترح ان تأخذه للطبيب البيطري .وهو سيعطيك العلاج المناسب له .
..........................

السلام عليكم ..

كيف الحال يالغالين ..

عساكم طيبين ياا ربي ..

\\

بعد اسبوع من اعتنائي .. بفرخ الدرة ..

حدثت امور غريبة .. بالاصح هي مضحكة ..

فأريد رأيكم بالموضوع ؟!

أولاً

كلماا جاع الفرخ ..

ذهب و قفز فوق علبة السيرلاك !

" اضع علبة صغير داخل القفص ويكون السيرلاك جاهز بها "

ثانياً

كلما اخرجته .. يحاول ان يبحث على اماكن ضيقة خخخ

ربما يحاول الهروب اما ماذا ؟!

ثالثاً

عندما اعيدة للقفص يحاول القفز من يدي .. او بالأحرى

كأنه يعرف مكان القفص ويريد ان يذهب إليهـ !!

رابعاً

صباح امس ..

استيقضت على ضجتهـ .. هههه

لكن كنت انظر للقفص إذ به يحاول تسلق القفص !!

فكان يتسلق ويسقط !!!

\\

ماا رأيكم بهاذه الأحداث هل هي مؤشر على انه الفرخ قام يعتادني

ام على نموهـ ؟!
.................................
اخوي .. طبيعي انه يرجع لمكان الاكل لما يجوع او يطفش ..

ويتسلق لأنه في طور نمو طبيعي يتعلم .. ويقوي منقاره فيها بعد ..

و يرجع للقفص لأنه يعتبر عشّه أو بيته اللي تعوّد عليه ..

و الله يخليه لك ويتربى في عزك .. عن كلامك عنه احسه طير يجنن

ان شاء الله يكبر ويتكلم ويصير شيء جميل وروعه مثل راعيه ..

.. و تحياتي لك ..
......................
________________________________________
أسلام عليكم يا اخوااااني

عندي ببغاء من نوع الدرة له سنه وشوي وللحين ماااااتكلم بس يصفر


شو أسوي فولولي
............
الدره من انواع القليلة الكلام وذا تكلم

يدوب كم كلمه أذا تبين طير يتحدث كاسيكو أفضل الدره راح يتعبك
............
السلام عليكم و رحمة الله و بركاته

أخواني أنا أشتريت ببغاء الدره من أسبوع و ع ما أظن أنه كبير ..

ينكلم ع الخفيف و ما يخاف كثير شوي بس مرات يخاف نادر .. و مرات يقول ميتو و يطلع صوت قطه و يصفر و تصفيره حلو بس مشكلته انه يعض يوم أقربله ايدي ..

و بعدين انا جوعته شليت منه الاكل و جيته بعد عدة ساعات طويلة أكلته من برى القفص و ياكل عادي من ايدي لين ما يشبع و انا مادري انه شبع يشل آخر حبه و يرميه و يعض أصبعي بس انا ألحقو أسحب أيدي و سويت الحركة هذي ان طلعته برى القفص بس هو ما يطير لان ع ما أظن قاصين جناحه المهم طلعته برى القفص و مسكت العصى و أقربله اياها عشان يركب عليها ماشي يقعد يعضها و أخليها لمدة دقايق و انا اقول الحين ما بيعض لا يقعد يعض المهم ما يركب عليها و ماعرف شو اسوي معاه عشان اخليه يتعود علي .. و ياريت لو تساعدوني أرجوووووووووكم

أريد طريقه انه يتعود علي بس مجرد اني احطله يدي يطلع عليها و ما يعضني ..

الرد في أسرع وقت ممكن
.....................
لا تخاف يا اخوي بس اهم شيء تكسب صداقته. آنه عندي اسهل حل حقك خله يتعود عليك شوي وخله يطلع من القفص و يصعد فوقه ولما يصعدقرب ايدك اثنينهم خل وحده جدام ويهه والثانيه حاول تمسح فيها على راسه ولما تمسح كافئه وبعد فتره راح يتعود عليك .وبعين علمه يصعد على يدك . مع العلم ان الطعام المفضل للدره هو التفاح الاخضر
...........................
بليزززز خيفانه عليها

كوووكووووو ما ادري احسه صاير سمين :: متين:: احسه ما يقدر يمشي بطنه مررره نازل ومنتفخ .,’ اعتقد من كثرة الاكل لاني انا اكله وايد لحد ما يشبع وبعده اهو ما شا الله ما يشبع ع طول .,’ ؟؟

ارجوكم شوفولي حل ؟؟ كذا اهو طبيعي ؟ ولا وزنه زايد؟ اخفف عليه لاكل؟

انا فكرت اني اعطيه بس ملعقتين سيريلاك على كل وجبه بس !!!!

بليز احسه مره ثقيل وما يقدر يمشي ..؟؟

هاذي صوره



و أرجو الردود
...........................ز
الانتفاخ اللي في موقع الذيل طبيعي جدا في هذا العمر

اما عن الحوصلة لازم تقدرين قدر الاكتفاء بالطعام وهذا فرق عن ذاك

و الكلام تو الناس عليه بس مثلما قالت الاخت من الحين انتي تكلمي و ياه لانه الاحين مثل المسجل
يحفض و ما تشوفينه الا مرة وحدة ينطق و بعدين ما يسكت (بيقلب البيت ازعاج(
..............
السلام عليكم جماعة الخير ..

الله يسلمكم باخذلي فرخ درة ..

وبغيتكم تساعدوني لأني اجهل التعامل معهـ

بمعى ثاني ابي اعرف اطعمه إي سيريلاك " إي نوع "

كم مره أاكله باليوم مرتين ثلاث مرات ولا كم بالضبط ؟

وكيف احط قفصهـ احط له بطانية ولا قش ؟!

على شو انتبهـ لهـ ؟؟

وكيف اطعمه بشكل صحي !

اشربه ماي ولا ما اشربهـ

\\
.....................

اذا امكن فيفضل ان تطعمه طعام لفروخ الببغاء ياتي مثل السيريلاك

و اذا لم تستطع الحصول عليه فيفضل ان تستخدم له سيريلاك القمح و العسل

يفضل اطعامه اربعة مرات في اليوم و في سن صغير افضل لو تضع له قماش ناعم و تغييره كل اسبوع

الماء تشربه بكمية قليلة جدا بعد الطعام و خل الطعام يكون مثل الشوربة مو مثل الهريس

وحسب ما يقوله الاعضاء الاطعام يكون من جهة اليمين
...........
السلام عليكم ورحمة الله وبركاته

اخواني عنذي مشكله مع درة الخضرا من يومين ما تاكل وان اكلتها بالغصب تاكل شوي

مع انها ليست مريضه ونشيطه شكلها ما يوحي انها مريضه نوعت لها الاكل كمان ما تاكل

كمان مشكلتها الثانيه واللي انا ابغي تبطل العاده هذي هي انها تطلع من الكرتونه وتمشي صوبي وتبغي تمشي علي وتركب على وجهي صراحه هذي الحركه اخاف منها لانها راح تشمخ وجهي
كل ما بعدها ترجع مره ثانيه حاولت كم مره بس بجد زهقتني وانا ابعدتهاااا افكر اجيب لها قفص عشان احبسها عقاب كل ما تسوي هذي الحركه هل ينفع او لا؟
بجد احسه شقي بهذي الحركه


وش حل اني اخليها تاكل وكمان ترك شقاوه؟
................
السلام عليكم


بنسبه لرفضه للغذاء الطير أذا أبتدا بتعليم نفسه الطيران يعمل على ألامتناع عن الغذاء

حتى يخف وزنه ويستطيع الطيران فلا تجبره أعطه الطعام متى ما أراد ذلك

متى ما أحس بلجوع سوف يلتهم منك الطعام

بنسبه لشقواته فهى احلا ما فيهم

حاول تخليها تقف على يدك فقط ضع لها يدك حتى ترتقيها وكل ما جأت تصعد

على كتفك أمعها براحت يدك حتى تتعود على أرتقاء اليد فقط

ولا تحبسها ولا تعاقبها بل دربها وعلمها وذا كبرت ممكن تقص أضافرها علشان لا تشمخك
...............................
ياهلا اخوان المنتدى انا رح اشتري لي طائر درة اوكي بس عندي سؤال


انا يمكن اخذ واحد كبير هل استطيع تربيتة ام لا ؟؟؟؟؟؟؟


يعني بيحيث لايهرب لو اخرجة من القفص




ارجو الرد في اسرع وقت ممكن



وشكرا
............................
يصير بس صعب

واذا اتخاف تطير اقرض جناحها بطريقة صحيحه
حتى تتمكن من الطيران لمسافات قصيره فقط
..................
بسم الله الرحمن الرحيم ..

السلام عليكم ورحمة الله تعالى وبركاته ..

كيفكم أصدقائي الحلوين < يبي شي ههههههههههههههههههههههههه

عندي سؤال ..

عندي جوز درّه .. و جابوا أربع بيضات .. ثنتين فقسوا والثنتين الثانيات في الطريق بإذن الله

فـ أحب أستفسر .. متى بقدر أطلعهم من العش واربيهم على يدي عشان يتعودون علي ..

و هل فيه أكل معيّن ينصح فيه ان احطه للأم عشان تأكلهم ..

و وش فيه نصايح .. وباركوا لي عليهم ..

و آسفين تعبناكم معنا ..

.. و تحيّآتي ..
........................
السلام عليكم

أخوى تقدر تاخذهم من العش أذا صار عمرهم في حدود 3 أسابيع


يجب تغذية الام بلغذيه اللينه

مثل البيض المسلوق والحبوب المنقوعه مثل الذره الصفراء


وبتوفيق
...................
عندي الدره الخضراء ( الهنديه )
عمر الطير شهرين او ثلاث

بدأ الطير يطير داخل البيت وخايف يهج
تنصحوني أقص الأجنحه أو بدري عليه
.......................
سو طريقه قطع جزء وترك جزء

يعني انرك اول 3 ريشات ببدايه الجناح

ثم قص ثنتين واترك وحده الى ان تصل الى اخر الجناح واترك اخر 3 ريشات
...............
السلام عليكم

كيف حالكم اخواني ؟؟

طبعا اليوم وبحمد الله اشتريت هالدرة المطوقة

طبعا هي صغيرة جدا جدا في السن

وهذي اول صورة ماشاء الله

والحين جا دوركم

طبعا الدرة في ظهرها نقط سوداء

وابوي قالي اسئل الخبراء عنها(اعضاء توزو)احتمال يكون حشرات او شيء

وهذي الصورة

والشيء الي خلاني استفسر هو وجوده في الظهر فقط

اي لما تنام عليهم امهم يكون مكان الحشرات اذا كان موجود في امهم

وثاني ســؤال

كم هي الفترة بين الوجبات وانا مؤقتا اعطيها سيريلاك لاني ماحصلت وقت اروح السوق حق اخذ اكل الفروخ الخاص

والطير ماشاء الله عليه حركي

ومحتاج حنان يعني اطلع من العش الي مسويه له واخليه مسافة 3اشبار عني فقير يتمشى ويندعس تحتي

يارب اتوفق فيه مب مثل كل فرخ اشتريه ويموت

وعلى فكرة تذكرت !!!
كم عمرها تقريبا ومتى هو وقت التطعيم؟؟والي مايعرف لا يستخبر رجاءا
................................

السلام عليكم

أخوى طيرك يعانى من تساقط ريش او تنتيفه من قبل الابوين

أذا كان تساقط ريش نتيجة طفيليات يجب معالجته وهذه تكون نتيجة عدم الاهتمام بنضافة العش

فتتكون نوع من الطفيليات تتسبب في سقوط الريش واذا استمرت تقتل الفراخ


أما أذا كان نتيجة تنتيف من قبل الابوين فما في هناك مشكله سوف يعود الريش بضهور


أرجو أنك فهمتنى
......................
السلام عليكم


شلووووونكم اخواني؟؟

اخواني انا عقب كمن يوم راح اخذ لي فرخ درة هندية او افريقية مادري فيها


المهم شنو أعطيه الاكل؟؟

لانه تعرفون ليحين مايقدر يعتمد على نفسه في الاكل

فما هو احسن نوع للأكل وماهي الفترى بين الوجبات؟
..........
أخوى أنت بلبحرين وعندكم متواجد الاغذيه المخصصه للببغاوات بكثره

وهى افضل من السيرلاك الى يسبب الاسهال

الفتره بين الوجبات حسب عمر الطير ولكنك أذا أخذت العذاء سوف تجد مدرج معه

قائمه بعدد الوجبات والعمر
________________________________________
السلام عليكم ورحمة الله وبركاته


استفسار لاهنتم عندي بغبغاء الدره خضره هي فرخ على وشك يكتمل ريشهااا باقي بس البطن يظهر الريش

المهم انا لاحظت في رجلها اليمين كثير ما يهتز كأنه زلزال اصابه دوم كذا ومرات لا هل هذا شي طبيعي كل الفروخ كذا؟

او اني رجله فيها شي

مع اني حاطتنه مع نشار الخشب مخصوص للبغبغات وناعم مب خشن

ممكن اعرف وش سبب يهز رجله؟
..............................

شوفه اليوم و بكرة اذا قل الاكل ماله وده للبيطري

و اذا شفت الاكل ماله رجع طبيعي و كمية الاكل صارت مناسبة يعني ولله الحمد مافيه شي باذن الله

على فكرة الفروخ في بداية العمر ما يرفض الاكل بتاتا فيجب عليك انك تحاسب له

و تدريجيا الطير بياكل على قده بس
..................
السلام عليكم ورحمة الله وبركاته

اخواني امووت وافهم الحين فرخ البغباء لما تربيه مو يتعود على صاحبه؟


الحين انا شريت فرخ بغبغاء الدره شريتها وهي صغير ماعليها ولا ريشه الا كم وحده وظلت معي الحين شهر وشوي وطلع ريشها المهم هي دوم تخاف مني مع اني دوم معاها واحملها غصب عنها و وانا اللي اكلها محد غيري بس عشان تتعود علي


بس هي دووم تخاف مني معي احاول ما افاجأها عشان ما تخاف


كيف اخليها ما تخاف مني ؟؟؟؟؟؟؟؟؟؟؟؟؟؟؟؟
......................
الخوف شيء طبيعي

و مثل ما قال الاخ عازف الكيبورد يجب ان تحاولي من الان ان تجعلي الطير هو المقدم على الاشياء المطلوبة

و ليس بالغصب

لان الطائر يصبح عنده حالة رعب منكي اذا اصررتي على غصبه

حاولي ان تجعليه يتقدم لج علشان ياكل و شوي شوي خليه يركب على الارجل في حالة اعطائه الطعام

و تذكري لا تجبريه على شيء و حاولي ان يفعلها بنفسه
.................
________________________________________
السلام عليكم
درتي باضت
ماذا افعل
..................................




السلام عليكم

الله يبارك لك اخوى وتشوف الفروخ وتفرح فيهم

بنسبه لدره فلا تفعل شيء غير انك تكتب تاريخ البيض متى باضت

ولا تفتح العش وتتفحص كثيراً حتى لا تهجر الدره بيضها وفر لهم الهدوء


قبل موعد التفقيس بيومين تعطيهم البيض بلبقسماط لكى تساعدهم على تكوين البأ

الذي يطعمونه لصغار وبتوفيق اخوى
..............

{ هل يمكنني ترويض الدرة الكبيره بالعمر ؟؟ }
.............

احتمال ضعيف نعم
...............
سؤال بسيط أتمنى أن أجد الإجابة عليه
ماهو طعام الدره في عمر الشهر والنص لل شهرين
خصوصاً أنها إنتهت من مرحلة الفطام من السيريلاك
...................

اللي اعرفه عبادة الشمس واي انواع الخضروات
......................
يا جماعة الخير عندي استفسار عن خانة الدرة:

انا امس حطيت للجوز خانة (صنع ايديه مية مية)

لكن المشكلة انهم ما يدخلونها الا اذا انا دخلتهم بيدي

و يوم دخلتهم طلعت عنهم لمدة نص ساعة و يوم رجعت جفت الحبايب برع

فالرجاء اللي عنده لي حل يساعدني و له جزيل الشكر

هاي صورة الجوز

و هاي صورة الخانة (ماقدرت اخليها بمكان ارفع من هاي(

و هاي صورة الجوز يوم دخلتهم انا لكنهم ما يطولون بالقعدة

.............................

السلام عليكم

أخوى توك حاطها تبيهم يدخلون لا الطيور يبغالها وقت تستكشفها وبعدين تدخلها


قد تدخل بعد اسبوع وقد تدخل بعد شهرين

انت أعمل المطلوب وترك الطيور براحتها ولا تجبرها على شيء هى متى أطمأنت سوف تدخل

بعدين أذا دخلت لا تتوقع أنها بتنتج بعد أسبوع من دخولها لالا المسأله يبغالها وقت


أخوى أذا بغيت أنتاج أترك الطيور ولا تحوس فيها كثرة الحواسه بطيور تخوفها وتخليها غير

مطمئنه أكل وماء وتركها ممكن تتابع صحتهم من بعيد لبعيد حط لهم بذور منقوعه مرتين

بلسبوع الى هى قمح وذره وشعير الخ المخصصه للحمام الزاجل ومره بلسبوع بيض بلبقسماط


وبتوفيق
......................


ومعليش إذا كان في خطأ