|
رد: ابي مسااعده بليييز =S
مرحبا فيكي اختي
اولاً سؤالج عن تخبئة الأكل في البيت .. فهذا الشي عادي .. الهامستر من عادته يخبىء الاكل في بيته
وعن الرمل: تقدرين تييبين له من عند البحر .. بس اهم شي شوفيه نظيف ومافيه حصى او مخلفات .. اهم شي يكون صافي .. انا دايما اخذ لهم من عند البحر انظف شي .. ماله داعي تشترين من المحل
وبالنسبة للقفص .. فاذا كان هامستر واحد ..عادي يكون صغير .. والعجلات اغلبهم يكونون بلاستك  طبعا أفضل
ونشارة الخشب تجيبينها من محل الحيوانات افضل .. اما اذا ماحصلتي تقدرين تروحين النجار يعطيج نشارة خشب بس شرط ماتكون خشنة عشان ما يتأذى
وسؤالج عن نوم الهامستر بالليل .. هو صح اغلب الهامستر ينامون وقت الظهر الى الليل ..وبعد نص الليل يقومون
ودام هامسترج ماشي على الوقت الصح خليه براحته احسن لج مايغربلج في الليل ^ــــــــ^
انا احطهم في غرفتي وانزعج منهم احيانا لأن وقت قومتهم بعد الــ 12 الليل بالضبط !!!
واي استفسار انا حاضرة وفي الخدمة
|