[TIGER]

حياك الله اخوي

أنا فهمت الي انت تبي توصلة او الي تسأل عنه

كثير من انواع الحيوانات الي تربي في المنزل كحيوانات اليفه والببغاء من ضمنهم لما تحتاج لزيارة عيادة الدكتور البيطري للكشف او قص جنحان اوكي راح يخاف لانه شخص غريب بلبس غريب يمسكه بطريقه غريبه ومع الاسف كثير من المربين ومن البيطريين مايعفرو يمسكو ببغاءات او يمكن متعودين على مسك بعض الطيور الاخري كالحمام مثلا مع انه اختلاف كبير جدا بين طريقة المسك ,وإمساك الببغاء في حد ذاته اعتبره فن قليل ماتلاقي ناس تتقنه ,,

وهذا الشي اخوي خلا طيرك الجميل الي ماكمل اسبوعين لما تجي تلمسه يعظك لانه يتوقع انك تقوم بنفس العمل او تعامله بنفس الطريقه الي مر فيها من قبل وللمعلوميه اللببغاءات لها ذاكرة قويه تنسى انت وهي ماتنسى فتبقى صور التعامل راسخه لفترة في ذهنه ..

عشان كذا في تدريبات للحيوانات الي تربى بالبيت كالكلاب اجلكم الله والببغاءات بعد على زيارة البيطري وامساك شخص غريب لها ووضعها على طاولة الكشف من يومه صغير عشان يتعود

أنصحك اخوي بالتدريبات الي اسميها التدريبات الذهبيه اذا اتقنتها
حاول انك تطعمه الاكل الي يحبه من يدك وتكلمه بكل هدوء وماتحاول ابدا انك تستعجل وتلمس جسمه خليك على التدريب هذا وأظمن لك باذن الله طيرك يصير زي اللوز ..

وياليت تشيل من بالك فكرة استخدام العصا نهائيا ,, لانها ماتتناسب مع طيرك ابدا .

وذا عندك اي استفسار تفضل يالغالي
اخوك: فواز ,,,