[نورالدنيا]

انا اشتريت من يومين كوكاتو ابيض اللى ريشته فوق راسه لونها اصفر
وصاحب المحل قال ان عمره خمس شهور لسه مش بيطلع عالايد ومش بيعرف ياكل كل الاكل لوحده يعنى بس بيمسك الحب الابيض والسوادنى وبحس انه مش بيعرف ياكلهم كويس كمان
وكان معاه علبتين صاحب المحل قال بنخلطهم بمية وبخليهم بالابرة وانا بعرف الطريقة كان عندى كاسيكو من قبل وبشوف كمان الطريقة فى المنتديات وهو كان بياكله بنفس الطريقة
بس انا اول ما اجى بالاكل دا مش يرضى ياكله منى خالص مع العلم انه بيخلينى اقرب منه عادى وايدى بتكون على راسه بس مش راضى ياكل من الاكل ومش بيعرف ياكل الحب كويس
انا خايفة يموت من قلة الاكل
واول ما افتح الباب بيطلع فوق بس مش بيعرف ينزل تانى ولو جيت عشان امسكه وانزله بيمسك برجله جامد فى القفص وبخاف ينجرح ومش قادرة اخليه برة القفص تانى
يا جماعة حد يساعدنى اعمل ايه ولو مفيش امل فى الاكل قبل لا يموت ارجعه او استنى
ارجوكم تردو عليا باسرع وقت
شكرا