|
رد: ماهو سر حب الرمادي
السلام عليكم ورحمة الله وبركاته
هوايتي من يوم كنت صغير اربي الحيوانات والطيور وبعد ماكبرت شوي شوي اشتريت لي طيور حب ومتو وبلابيل و و و و ... عقبها فكرت بكائن حي ذكي وغير محرم وابعدت عن نظري الحيوانات لان امي وابوي ماكانو موافقين وجربت وايد لكني فشلت بعد دخولي لهذا المنتدى الي فتح عيوني على ببغاء الرمادي فرحت وماصدقت ( شكرا من كل قلبي لهذا المنتدى الي ماجفت احسن منه ويارب مااجوف احسن منه )
اهو صج شكله مب لهناك حلو بس اهم شي الجوهر.. المظهر مب مهم ... شالفايده ناخذ طيور للزينه بس ..وفي طيور ماشاءالله سبحان الخالق ذكيه وتفهم وتتكلم ومخلصه
وعلى فكره انا ماشريت ببغاء الرمادي عشان ابيه يتكلم حتى يوم شريته ماكنت اردد عليه بس كنت ابي طير يفهم ومخلص  .. وبعدين سبحان الله بروحه قام يتحجى مع انه كلام مب مفهوم احياناً
__________________
اللهم أحيني ماكنت الحياة خيراً لي ، وتوفني إذا كانت الوفاة خيراً لي
|