[خال طحيشل]

لازم يتدرب على شوي شوي اكيد بس يبطل يخاف بيطاوعك وش ماتسوين فيه مايقول شي

بس بالهداوه عشان يوثق

انا نومته جنبي بهذا البرد ايام كثيره لمن اغطيه بالبطانيه مايقول شي يسكت بعدين اذا فتحت البطانيه شوي مايطلع يضل بمكانه ماوده يطلع من البرد

لان طبيعتي لاااحب دفايات ولا مكيف حار اترك الجو طبيعي

مره من المرات كان نايم جنبي فا اتقلبت مب بالعاده لان اذا نمت اصير نايم بوضعيه وحده الزبده

اتقلبت وصار صدري على ظهره بالضبط يعني انفغص تماماً الحمد لله حسيت فيه لانه حاول يرفعني

بالذات لاني نحيف ابعدته عني شوي وعطيته ظهري وكملت نومه مامداني اغمض مره ثانيه

والا ويعطيني وحده يحبها قلبك بنص ظهري ( عضني خفيف ) طبعا رده فعلي كانت ضحكه لاني انا


الغلطان وهو صار يضحك معي ههههههه

صرت الحين اول مايشوفني بنام يجي ويتمسك بالمنام ويطلع لي فوق اعلى نقطه بالبطانيه

وبعدين ارفع البطانيه وانومه عن اقدامي ( اكرمك الله) وبطانيه طبقتين ومايصحى لين اصحى اكثر

الايام او القاه طالع وجالس فوق مخدتي

بالبدايه يخاف من اي بطانية او مخده بس مع التعود صار عنده طبيعي جدا

للمعلومية الطائر اللى عندي افريقي الغيني الصغير بس رايق يحب الرجه واللعب دمه خفيف

وايضا احب الكوكتايل بالذات اللى بتوقيعك بصراحه يجنن صوره الفرخ مشاءلله

شكرا لك غزل ولمرورك