|
رد: هل من مرحب .................؟؟؟؟؟
ياهلا فيك معانا
و نورت المنتدى بحضورك ^^
بالنسبه للحوض
اهوه حلو بس عندي كم ملاحظه عليه
الارضيه مو حلوه ...صخر ملون مع صخر عادي اسود و ابيض مع قطع زجاجيه متناثره هني و هني
افضل انك تحط صخر ملون او صخر مفتفت طبيعي , او تراب من البحر
كل هذولي موجودين بمحلات السمك
حتى يكون بعد انظفلك بالحوض ...الارضيه اللي انت حاطها الحين بتجمع الوصخ و مايتحلل بيوصخ عليك الحوض ..اما اذا حطيت مثلا رمل بحر بتكون عندك تجمعات بكتيريه كبيره بتحللك وصخ السمك
اللمبه ماتنفع تكون بهاللون لوحدها , لو تحط معاها لمبة نيون ثانيه بيضه او تغير الاولى و تحط بيضه يكون افضل و بتطلع الوان السمك الحقيقيه
بالجزء العلوي من الحوض اذا ماكنت تقدر انك تملي الحوض لي قبل الاخير بشوي خوفا من انه ينكسر من الضغط ...افضل انك تحط جلاد اسود و تغطي الفراغ , افضل شكلا و اريح للعين
اللي يشوف الحوض الحين بتعوره عنيه بسبب اللمبه اللي تشع بالوجه
بالنسبه للنوع الثاني من السمك اسمه : وايت سكيرت تترا
و اما عن البيض ...السمك بعده صغير لازم يكون حجمه كبير على شان يفرخ
ادري عندي ملاحظات وايد بس ...طبقها و بتشوف الفرق بالحوض ان شاء الله
__________________
|