[رعوود]

هايوز

شبخاركم؟

ان شاء الله تمام

×=×=×

اليوم جبتلكم موضوع

تقريبا الكل عارفه وممكن الفكرة مكررة

لكن هالمره جبته لكم بالشرح المصور


واعذروني لانه مكرر

وبسم الله نبتدي بالادوات


×=×=×



1- شامبو القطط (يمكن استخدام شامبو جونسون تبع الاطفال من دون بلسم )
2- منشفتين
3- قطعة قماش ناعمه
4- جردل عشان الماي

وطبعا ما ننسى حوض عشان نحمم القطة فيه


×=×=×

نبتدي مع الخطوات والطريقة

بسم الله


×=×=×



نملى الحوض بشوية مويه وبعدين نمسك القطو ونحط قوائمة بالحوض ونجلس معاه فترة نهديه لحد ما يهدى


×=×=×





بالجردل نصب الماي على جسم القطو بهدوء عشان لا يخاف القط


×=×=×



نحط بعدين الشامبو على جسم القط


×=×=×





بعدها نفرك الشامبو على جسم القط كامل ونحرم كل الحرص ما يوصل عند الراس


×=×=×





بعدين نشطف جسم القط من الشامبو وزي ما قلت قبل نحرص كل الحرص الشامبو والماي ما يوصلون لراس القط


×=×=×





بعدها نطلع القط ونلفه بالمنشفة وننشفة مرتين او ثلاث


×=×=×





بعد كذا تجيب قطعة القماش الناعمه وتبللها بشوي ماي وتمسح فيها راس القط


×=×=×



بعدين لو حبيت القط ينشف بسرعه فيك تنشفه بالسشوار او انك تترك القط بالغرفة لحد ما ينشف


×=×=×





بعد ما ينشف القط تبدى بهنمدته زي ما شرحنا بالمواضيع الي قبل
×=×=×

اتمنى استفدتو من الشرح المصور واعتذر كون الفكرة مكرره

وانتظروني بالقادم ان شاء الله

وبالتوفيق للجميع


×=×=×

بايوز