أخونا الغالي / ---سلفر---
وعليكم السلام ورحمة الله وبركاته ،،،،
حيا الله الغالي وحيا الله علومه ....
أخي الكريم الله يعينك علي راح اكتب لك رد على كل كلمة كتبتها اوكي :
اقتباس:
|
انا ببغائي امزوني اقدر امسح على راسه
|
ما شاء الله تبارك الله لا قوة الا بالله شيء جميل وحلو كونك وصلت للمنطقة الأكثر حساسية تقريبا عند الببغاوات ....
اقتباس:
|
لاكن صدره وظهره لا يمكن امسه
|
هذ المشكله ما هي كبيرة الى حد انك تتضايق منها وعشان تنفك معاك العقدة هذا لازم تكون معاه حنون وتشيل الخوف من قلبك طبعا حاول تمسح على راسه بهدوء فترة من الوقت وكذلك منقاره الين ما يعرف انك خلاص ما تنوي تآذيه وبعدها بحركة أكثر هدوء امسح على بطنه افضل في البداية ولا تشيل يدك لو حاول يعضك اذا نجحت استمر على الظهر واذا ما نجحت راح تنجح معاك في الايام المقبله بإذن الله تعالى .....
اقتباس:
|
وتراه جدا خواف كيف اقدر اكسر الخوف الي عندو
|
وين الطير اللي يكون لسى صغير وما يخاف يعني عمره ما تعدى السنتين الى اذا كان مو مدرب او باقي ما ولف ولكن عشان كسر حاجز الخوف والرهبة عند الطيور اعطيها حريتها التامة ولكن كان ودي والله اعرف من متى معاك الطير عشان نقدر نجاوب بالسنتمر لكن مو مشكله انشاء الله ...
واقصد انك تعطيها حريتها التامة يعني تفكها من القفص مع مراعات اخذ الحذر من الاخطااااااااااار المنزلية من مرواح او اسلاك كهربائية او ما شابهه وتكون في بداية الامر تحت اشرافك وانصحك بأخذ الاقفاص اللي على حرف T أو اللي تكون بدون شبك مقفل عليه مع الوقت راح تلاقي الطير حقق ما لم تكن تتوقعه من قبل .....
اقتباس:
|
وهو يطلع على يدي لمن احطوا بره القفص
|
ما شاء الله تبارك الله لا قوة الا بالله شيء حلو وجميل بعد وهذا خير برهان على كلامي السابق ....
اقتباس:
|
لاكن اذا كان جوة القفص لايمكن يطلع على يدي
|
طبعا واحمد ربك انك لما تدخل يدك ما تخرج باللون الاحمر 
ترك الطير محبوس يقلل من عطائه ومن امكانياته فالحرية هي ام النجاح ....
اقتباس:
وكيف اقدر اخليه يطلع يتمشى في البيت براحتو ويرجع القفص براحتو؟؟؟؟؟
|
مع الوقت ان تركته طليق راح يتعود وزي ما سبق وان اشرت اليك حاول اخذ قفص برحف T ...
معذرة على الاطالة ،،،،
واي شيء ما فهمته اكتبه مرة ثانية وانشاء الله نرد عليك الين ما خلاص تقول مليت منكم
مع تمنياتي لك بالتوفيق ،،،،