أخوي الكريم / مــاكــل الــجــو
وعليكم السلام ورحمة الله وبركاته ،،،،
تحياتك مقبوله واعذرني على الرد المتأخر بعد ،،،،
وبالنسبة للفرق :
قبل ما ابدى في الكلام يا صاحبي راح اقول لك على شيء :
بما انك الحين عندك الكوكاتو
ليه تبيعه ؟
عشان طفشت منه ؟
ما تجاوب معاك ؟
ما يتكلم ؟
مو والف ؟
شكله مو عاجبك ؟
حدد لي السبب ؟
ولو اني اشوف انك تبقى مع طيرك الأول الا في حالة وجود سبب مقنع .... طبعا انا راح انتظر منك الرد ...
مجمل الفرق بين الكوكاتو والمكاو :
المكاو :
عيوبه:
يحتاج الى مكان واسع
اصواته مرتفه
يدمر الأثاث المنزلي
قليل الكلام
اسعاره مرتفعه
مميزاته :
ذكي
يحب اللعب ويطبقه بالشكل الصحيح
يملك ألوان خياليه وشكل جذاب
اجتماعي يرقص امام الجميع بلا خجل عكس الإفريقي ...
الكوكاتو :
عيوبه :
مصدر ازعاج كبير
قلة الكلام
نطقه للكلمات غير واضح
ميزاته :
شكله جذاب
من أفضل الطيور على الإطلاق في الرقص والالاعيب
ذكي
وغيرها كثير يا صاحبي بس والله يعني ما قد ربيت كوكاتو من قبل ولكن هذا من خلال ما قريت من بعض الكتب ومن ما سمعته من ناس خبره وما شفته في بعض المحلات ....
ولو تبغى رأيي الخاص راح أقول لك أنا أفضل المكاو عن الكوكاتو
وكل شخص له تفكيره وميوله وهوايته
وأنت صاحب القرار واللي تملكه ولكن احنا نعطيك معلومات عسى الله انها تنفعك وبعدها تقرر ...
وانشاء الله يوفقنا واياك لما فيه خير ,,,,
تقبل مروري وكافة التحيات ،،،،،