|
رد: تحديد جنس زوجين بادجي
السلام عليكم
ماشاءالله الله يباركلك فيهم
الزوج الأول
الأزرق دكر بالغ وجاهز
الأخضر أنثى بالغة وجاهزة
يعني الزوج الأول جاهز للإنتاج
ابدأ معاهم برنامج غدائي مع الفيتامينات
وعظمة الحبار دي على طول معلقه
بعدها ركب البياضة ووفرلهم الهدوء ولا تحرك القفص
وإن شاءالله قريب حتفرح بالفروخ
الزوج التاني
الأخضر دكر بالغ وجاهز
الرمادي أنثى بالغة بس غير جاهزة
تجهز بس يتغير لون الكير للبني
تنويع الأكل والفيتامينات تسرع من جهوزيتها
بس أرجع وأقول مو كل الإناث يتغير لون كيرها
إنته فيك تبدأ مع الزوجين بالنظام الغدائي المتنوع
وبعدها تركب البياضة وتشوف لو في إهتمام من الأنثى للبياضة أو لا
بس مومعناتو لو ماهتمت تستعجل وتنزع البياضة خليها وأعطيها وقتها
تقييمي للطيور بشكل عام ماشاءالله صحتها ممتازة
ركز على البيض مرتين في الإسبوع
عشان البيض بروتين ودا ينعكس على صحة ولمعان الريش
كمان خل التفاح المخفف بالموية في مرشه ويرش على جسم الطيور ( بعيد عن الوجه )
حلو لصحة الريش ولمعانو كمان طارد للفاش
وبالتوفيق يارب
__________________
سبحــان الله وبحمده سبحــان الله العظيم
شكراً " رونق حجازيه " على التصاميم الحلوة ♡♡
|