[ابوسهيل]

اهلا اخي الكريم ابو عبدالله
وحياك الله في عالم الدرة
احب اطمنك انه لا بأس عليك وعلى ببغائك
طبعا الطير لا زال جديد عندك حاول تتركه يطمن لك وللبيت الجديد
و كل اللي كان يسويه قدام صاحبه القديم راح يعمله معاك بس بشوية صبر
بالنسبة للعض هل هو عض قوي حيث انك ماتقدر تتحمل؟؟!!
ام انها مجرد محاولات عض ولكنها ضعيفة نوعاً ما
ودام ان العض مو على طول فهذا امره سهل
بس اول شي اكسب ثقته وخليه يطمن لك واعطيه اكل بنفسك
يعني ياكل من يدك او حط في اصبعك مربى او زبدة الفول السوداني
واعطيه يلحس بعد فترة راح ينسى العض
بالنسبة للطلوع على اليد من داخل القفص تراه شوي صعب
لان القفص هوا بيته ومملكته ودخول يدك لداخل القف تعتبر تهديد له
فيدافع عن نفسه الهروب او العض ان وجد ذلك مجدياً
والحل كما ذكرت سابقا هو بكسب الثقة والامان وخليه يفهم انك
صاحبه داخل القفص وخارجه
شي طبيعي لما يطلع ليدك يحاول يهرب حتى لو بقي بعض الوقت معاك
لان طيور الدرة عنيدة جدا
حاول لما تشيله تخرج بيه من الغرفة اللي انت فيها
وادخله لغرفة ثانية ساعتها راح يتشتت تركيزه
وراح يخاف يبعد عنك قربه لصدرك واسح على راسه وحول منقاره
لكن لازم قبلها يكون حاسس بالامان تجاهك
بالنسبة للتلقين اصبر عليه شوي شوي
وان شاء الله راح يتكلم
ارجو ان اكون افدتك ولو بجزء يسير
تقبل ودي واحترامي
وفالك التوفيق