|
رد: ][][§¤°^°¤§][ في قسمنا قط جديد ][§¤°^°¤§][][
السلام عليكم 
شكرا مخاويه قطاوه على هالموضوع .. انا وحده جديده احب اربي قطاوه بس ماعرف اكتب مواضيع .. ماعندي اسلوب بالكتابه 
راح احطلكم صور من القطط اللي عندي
لا تنسون تقولون ماشاء الله
عندي الام الكبيره .. ام كل الدفعات .. هايدي .. و هذي صورتها
هايدي كنت بزوجها .. فزوجتها ولد شوارع امه شرازيه هيهيهيهي .. هذا اللي لقيته بسوق الحمام وقتها .. سميته بسبوس .. بس هايدي يابتلي انتاج وايد حلو .. اللي اهو هذا .. كان اول بطن فكلهم ماتو ماعدا هالاثنين الحلوين .. الرمادي ذكر اسمه توتا .. و الانثى اسمها وايتي .. ملاحظه .. الذكر عاش طول عمره على انه انثى مادريت انه ذكر غير لما حملت وايتي :|
هذي صوره توته اللي على بالي انثى
هايدي قررت تييب بعد قطاوه صغار اخوان حق توتا ووايتي .. ويابت هالانتاج .. والغامجه اهي اللي حاطتها انا بالتوقيع .. اسمها قارفلده .. مؤنث قارفلد هي هي هي لانها نفس لونه
ماطول عليكم .. هذا كل انتاجها بجميع الالوان .. لان الابو كان ملون هيهيهيهي صج انه ولد شوارع .. بس حلو ترى وشعره حلو .. فرو كان
وقررت اني اضاعف الانتاج .. و ازوج الابو وحده لونها غامج جان اييب له هذي .. هم من سوق الحمام هيهيهيهي .. و سميتها العبده
وهذا انتاجها
صار عندي مصنع تفريخ .. وامي قامت تهاوشني .. فقررت اني ابيع بعضهم واوزع البعض .. ماعدا توته ووايتي .. وقارفلده .. والابو .. و الام هايدي .. لكن الام هايدي توفت 
توته و وايتي تزوجوا ويابولي عيال .. وهذي صورهم
وايتي مع توته وقارفلده .. خذاهم رفيج ابوي .. ماقدر ارد ابوي طبعا
الابو عطاه اخوي حق رفيجه
واحد من عيال هايدي الام .. مصيره بالشارع هيهيهي مشرد
حاليا عندي .. بنت وايتي .. واسمها بسبوسه اللي حاليا عمرها سبع اشهر .. وهذي صورتها
بالاضافه الى آرنوس حبيبي .. Arnos
هذا ماله شغل بالعايله الكريمه المهجنه.. مو من سلالتهم يعني هيهيهيهي
آرنوس نوعه بيرشن .. Persian
عمره تقريبا سنه .. و اهو احب واحد لي .. وان شاء الله راح ازوجه همالايا علشان احافظ على الاصول هي هي هي .. وهذي صوره .. سوري بحط اكثر من صوره له .. لاني احبه
هني شكله خروف ادري هيهيهيه .. بس قولو ماشاء الله
هني كان قاعد يسمع خالد الملا وحده مندمج 
ملاحظه .. في دفعات ماعندي صورها فماذكرتها هيهيهيهي
ان شاء الله عجبوكم صور قطاوتي عاد
تحياتي للجميع
__________________
ماشاء الله |