[Shgawi]

المشاركة الأصلية كتبت بواسطة .. محمد ..

وعليكم السلام و رحمة الله وبركاته

فالبداية انت استعجلت شوي و اول قاعدة في الترويض هي ( لا تستعجل ) و انا انصحك اياها من واقع تجربة لذلك راح اعطيك افضل الطرق من وجهة نظري .

الطير عمره عشر شهور وتختلف طريقة ترويضة عن الطيور الي اعمارها 4 و 6 شهور لذلك خل الطير فالقفص لمدة اسبوع و في مكان مرتفع عشان يألف المكان و يهدا نفسيا و يتعود عالمكان .

ثانيا الطلعة على اليد الطير لازم يثق فيك ويعرف انك مش مصدر خطر عليه و هذا الي نبي نوصلة مع الوقت و الطرق للوصول لهذي المرحلة بشرحها لك بشكل سريع ومبسط

بعد ما تخليه فالقفص من اسبوع الى عشر ايام اليت يتأقلم عالمكان خلك حريص في وقت تبديل الماي و الاكل له بشكل منتظم بعدها المرحلة الثانية تطلعة على الاستاند و تبدا تأكلة بيدك ! و اذا اخذ الحب منك و رماه فلا تستغرب شي طبيعي فمرات ممكن تجوعة من ساعتين الى 3 و تعيد الحركة معاه و خليه ياكل من يدك .

بعدها ابدا على طريقة الطلعة على اليد وميزها بكلمة مثلا اطلع او اب او فوق الي يريحك و اعتبرها مثل تدريب و كل ما طلع عطه مكافئة و هي عملية بسيطة .

اما انك تحك راسه فهذي خذ وقتك معاه و ابدا بس بالمسح على الراس و اكتفي بعملية المسح فقط ! مع الوقت الين يرتاح لك ابدا بالحك بشكل بسيط و اذا الفك الطير ابدا بطريقة الغرفة المظلمة و شرحتها في وحده من المواضيع لي فالمنتدى .

بالتوفيق اخوي

الطير استعملت وياه طريقه المكافأه والحمدلله حصلت نتيجه حلوه الحين يطلع ع يدي مافي مشاكل
بس للحين مايخليني امسح عليه
شو هيا طريفه الظلام؟؟؟؟