[ضوء الحب]

اهلا وسهلا
انا ربيت المينا واعتبره افضل طائر من كافة النواحي حيث يتحمل الاجواء وياكل كل شي وفصيح اللسان وصوته واضح
لاكن يعاب عليه كثرة الوساخه (الفضلات) ورمى الطعام والحركه الزائده
كل الاعراض الي ذكرتها طبيعيه جدا ولا فيه شي غريب المينا من ناحية النطق اي وقت يبي يتكلم يتكلم
اذا انت مربي اكثر من طائر بالقفص انسى انهم يتكلمون اذا وحداني فهو بيطلع مزعج كالراديو
ثانيا عطه تمر فهو أكثر وجبه يموت فيه ومفيده له واذا متوفر اي حشرات صغيره حيه عطه حطها له بالقفص وهو ياكلها فيه مينا انواع هو اي نوع اذا مينا عادي الي بالشوارع فهي الهنديه هذه لاباس بها اذا الرماديه الصغيره فهي صوتها واضح اذا الاندونسيه فهي خرافيه بشكل ماتتصوره