[lionheart_ismail]

السلام عليكم ورحمة الله وبركاتة
بعد التحية والتقدير والشكر العظيم
الموضوع غريب وناقص انى اجيب المفتش كرومبو
الانثى كانت واضعة 3 بيضات منهم بيضة كانت محبوسة
وللاسف ما جلستش على البيض خالص وبقالها اسبوع ما باضت
بعد الاحتباس المهم النهاردة جيت ابص على البياضة عشان ارفع البيض من البياضة
فوجئت ان فية بيضة ناقصة راحت فين معرفش
ومفيش اى اثر ليها فى القفص خالص ودماغى راحت لبيعيد
لدرجة انى شكيت فى ام العيال تكونش كالتهم
سؤالى بقى احتمال البيضة تكون راحت فين
هل من الممكن ان الانثى تاكلها او الذكر ( طب اى اثر ليها)
والا هو مش بيسيب اثر
وانا لا اعتقد انه فار لانه كان من الاولى ياكل الطيور او ياخد البيض كله
ولا اعتقد انه تعبان والعياذ بالله لانه صعب التواجد عندى فى المنطقة او الشقة
حد عنده تفسير منطقى لانى لحد دلوقتى مذنب العصافير لغاية ما يعترفوا البيضة راحت فين
تحياتى لكم