منتديات تو زوو - عرض مشاركة واحدة

H O P E · 19-11-2012, 10:17 PM

السلام عليكم ورحمة الله

بفتتح موضوعي بشكر الاداريين والاعضاء

اللي ساعدوني ويساعدوا الجميع في الاجابة على استفساراتهم

..

كانت عندي تجربة بتربية الهامسترات السوريه بس بعضهم ماتوا ولا ولدت معي اي هامستر

.. وقبل فترة بسيطة اشتريت ذكر وانثى روسي وواجهت مشكله مع الانثى ونزلت موضوع والحمدلله حصلت على المساعدة

..
المهم هامسترتي فصلتها بقفص صغير لحالها وبتلاحظوا في الصور اني شلت غطاء البيت وقلبته فـي حالة ولدت الهامستر ماتكون زحمة ويصير سهل اشيله بدون اضايقها.. والغريب في هامسترتي انها ما خزنت أكل وحبوب أو اي شي في البيت لا قبل ولا بعد الولادة ولا صلحت عشها.. كنت احيانا ارفع البيت والاقيها نايمه على الارضيه البلاستك والنشاره قليله في الاطراف.. ويمكن هذا بسبب عدم خبرتها والمكان الجديد عليها.. هي ما تخاف مني بس تريد تعضني وانا اللي اخاف اجرب عضتها

!!

بنزل صور الهامستر والبيبيز في الايام اللي قدرت اصورهم فيها

.. وبكتب تعليق عنها..

اليوم الاول8\11: طبعا ماكنت متأكده من موضوع حمل هامسترتي وتفاجأت لما شفت واحد من البيبيز يتحرك برا البيت

وعلى طول رفعت البيت وضميته لأخوانه.. الظاهر انها بروحها كانت عازلته لانها اكلت واحد فيهم

.. وهنا صورته قبل ارجعه البيت..

******

اليوم الثاني9\11: كلهم في البيت وكنت بس اقدم لها الاكل واتركها..

******

اليوم الثالث10\11: قدرت اصورها اكثر من صوره.. مره وهي حاضنتهم تحتها

..

ومره لما طلعت تاكل..

وشلت الشبك ونقصت كمية النشارة.. بتلاحظوا القفص صغير واتوقع مناسب لها..

******

اليوم الرابع11\11: لاحظت تغير لون الجلد وبدأ يغمق ويظهر لونهم أكثر

.. لهذا اليوم وانا اصورهم من برا البيت ولا المسه.. وبنفس هذا اليوم قدمت لها مناديل وعلى طول دخلتهم ورتبت العش وطلعت تاكل..

******

اليوم الخامس12\11: شلت الشبك حتى تطلع تمشي ورفعت البيت حتى اشوف البيبيز واصورهم.. بهذا اليوم قدمت لها شوفان مع حليب قليل الدسم.. احس الام صغنونه بالعمر والحجم..

واحد من البيبيز لونه فاتح أظن الفرو بيظهر فاتح..!! حلو اذا واحد لونه غير

..

******

اليوم السادس13\11: صار روتين افتح لها القفص الصباح والمساء حتى تمشي واعطيها اكل غير الاكل الجاف واطمن على البيبيز واصورهم طبعا..

******

اليوم السابع14\11: الصباح تفاجأت بواحد من البيبيز برا البيت

.. خفت تكون عازلته حتى تاكله لاني رجعته مع الباقين ولاحظت حجمه اصغر منهم.. لاحظوا في الصوره أقصى اليسار..

رجعت المساء حتى اطمن عليهم وكنت متوقعه يكون خلاص أكلته.. بس المفاجأه الكبيره انها عازلته حتى تطعمه لحاله بعيد عن اخوانه لانه اصغر واضعف منهم

.. سبحان الله.. فرحت على تصرفها واعطيتها مناديل يمكن تصلح له عش..

وبعدها قرأت عن هذي المعلومه: الهامستر لما يكون عندها عدد كبير من البيبيز توزعهم في أكثر من عش حتى ياخذ الكل نصيبه من الحليب.. سبحان الله..
من الأطعمة اللي قدمتها لها:
الاكل الجاف مع دوار الشمس موجود دايما
حليب مخفف مع الشوفان
حليب مخفف مع الخبز - صامولي - توست
الجبن
البيض المسلوق
الخس - الخيار - التفاح - الجزر
كورن فليكس
بسكوت بدون سكر
كل الاطعمة اقدمها بكميات بسيطة انوعها كل يوم حتى ما تسبب لها اسهال وانتوا بكرامه او تتعود عليها وتترك الاكل الجاف..

وهذا نهاية أول 7 أيام.. وان شاء الله في الردود التاليه بنزل كل مجموعة صور مع بعض..
اللي عنده نصيحة.. ملاحظة.. أو أي تعليق لا يبخل علينا نحن المبتدئين

..

19-11-2012, 10:17 PM	#1
H O P E هاوي	هامستراتي الروسية.. أول بيبيز ^_^ السلام عليكم ورحمة الله بفتتح موضوعي بشكر الاداريين والاعضاء اللي ساعدوني ويساعدوا الجميع في الاجابة على استفساراتهم .. كانت عندي تجربة بتربية الهامسترات السوريه بس بعضهم ماتوا ولا ولدت معي اي هامستر .. وقبل فترة بسيطة اشتريت ذكر وانثى روسي وواجهت مشكله مع الانثى ونزلت موضوع والحمدلله حصلت على المساعدة .. المهم هامسترتي فصلتها بقفص صغير لحالها وبتلاحظوا في الصور اني شلت غطاء البيت وقلبته فـي حالة ولدت الهامستر ماتكون زحمة ويصير سهل اشيله بدون اضايقها.. والغريب في هامسترتي انها ما خزنت أكل وحبوب أو اي شي في البيت لا قبل ولا بعد الولادة ولا صلحت عشها.. كنت احيانا ارفع البيت والاقيها نايمه على الارضيه البلاستك والنشاره قليله في الاطراف.. ويمكن هذا بسبب عدم خبرتها والمكان الجديد عليها.. هي ما تخاف مني بس تريد تعضني وانا اللي اخاف اجرب عضتها !! بنزل صور الهامستر والبيبيز في الايام اللي قدرت اصورهم فيها .. وبكتب تعليق عنها.. اليوم الاول8\11: طبعا ماكنت متأكده من موضوع حمل هامسترتي وتفاجأت لما شفت واحد من البيبيز يتحرك برا البيت وعلى طول رفعت البيت وضميته لأخوانه.. الظاهر انها بروحها كانت عازلته لانها اكلت واحد فيهم .. وهنا صورته قبل ارجعه البيت.. **** اليوم الثاني9\11: كلهم في البيت وكنت بس اقدم لها الاكل واتركها.. ** اليوم الثالث10\11: قدرت اصورها اكثر من صوره.. مره وهي حاضنتهم تحتها .. ومره لما طلعت تاكل.. وشلت الشبك ونقصت كمية النشارة.. بتلاحظوا القفص صغير واتوقع مناسب لها.. ** اليوم الرابع11\11: لاحظت تغير لون الجلد وبدأ يغمق ويظهر لونهم أكثر .. لهذا اليوم وانا اصورهم من برا البيت ولا المسه.. وبنفس هذا اليوم قدمت لها مناديل وعلى طول دخلتهم ورتبت العش وطلعت تاكل.. ** اليوم الخامس12\11: شلت الشبك حتى تطلع تمشي ورفعت البيت حتى اشوف البيبيز واصورهم.. بهذا اليوم قدمت لها شوفان مع حليب قليل الدسم.. احس الام صغنونه بالعمر والحجم.. واحد من البيبيز لونه فاتح أظن الفرو بيظهر فاتح..!! حلو اذا واحد لونه غير .. ** اليوم السادس13\11: صار روتين افتح لها القفص الصباح والمساء حتى تمشي واعطيها اكل غير الاكل الجاف واطمن على البيبيز واصورهم طبعا.. **** اليوم السابع14\11: الصباح تفاجأت بواحد من البيبيز برا البيت .. خفت تكون عازلته حتى تاكله لاني رجعته مع الباقين ولاحظت حجمه اصغر منهم.. لاحظوا في الصوره أقصى اليسار.. رجعت المساء حتى اطمن عليهم وكنت متوقعه يكون خلاص أكلته.. بس المفاجأه الكبيره انها عازلته حتى تطعمه لحاله بعيد عن اخوانه لانه اصغر واضعف منهم .. سبحان الله.. فرحت على تصرفها واعطيتها مناديل يمكن تصلح له عش.. وبعدها قرأت عن هذي المعلومه: الهامستر لما يكون عندها عدد كبير من البيبيز توزعهم في أكثر من عش حتى ياخذ الكل نصيبه من الحليب.. سبحان الله.. من الأطعمة اللي قدمتها لها: الاكل الجاف مع دوار الشمس موجود دايما حليب مخفف مع الشوفان حليب مخفف مع الخبز - صامولي - توست الجبن البيض المسلوق الخس - الخيار - التفاح - الجزر كورن فليكس بسكوت بدون سكر كل الاطعمة اقدمها بكميات بسيطة انوعها كل يوم حتى ما تسبب لها اسهال وانتوا بكرامه او تتعود عليها وتترك الاكل الجاف.. وهذا نهاية أول 7 أيام.. وان شاء الله في الردود التاليه بنزل كل مجموعة صور مع بعض.. اللي عنده نصيحة.. ملاحظة.. أو أي تعليق لا يبخل علينا نحن المبتدئين ..