|
رد: ساعدوني
اختي ملكة بعطيك وجهة نضري و بشرح لك شوي اشياء على قدي  انا مو محترف ولكن بقول لك اللي اعرفه .
بالنسبه للاضاءه تزيد كل ما كانت فتحت العدسه اكبر و سرعة الشتر سبيد اقل و الايزو اعلى
يعني كل ما كبرت فتحت العدسه دخل نور اكثر للصور والعكس صحيح
وكل ما زادت سرعة الشتر تقل الاضاءه والعكس صحيح
و كل ما زاد الايزو زادت الاضاءه ولكن تخرب نقاوة الصوره لذلك يجب ان يكون الايزو متزن .
وهذي الاشياء تقدرين تتحكمين فيها اذا كانت عندك كاميرا احترافيه فقط .
و بطبيعة الحال كل المصورين يسوون تجهيزات و يدفعون مبالغ مو هينه على الاستيديوهات المنزليه
اللي توفر لك الاضاءات الجيده و على الفلاش لايت و غيرها . عشان يسوون اضاءه جيده .
اما كاميرات الجوال فعدساتها مظغوطه و ثابته محال انك تتحكمين بحجم العدسه و سرعة الشتر او حتى الايزو
ويقوم جوالك بطبيعة الحال بالتقاط الصوره على وضع الاوتو وانتي تحتاجين انك تظبيطين اعداداتك مالنوال (يدوي)
اما بالنسبه لاتخاذ التصوير كمهنه و مصدر رزق ... على حسب احترافك و توفيقك بفرصة عمل
فيه كثير من المصورين يطلعون الاف الالاف مثل اللي يصورون في ناشونال جيوقرافيك و غيرها
مصورين الجرايد ايضا يطلعون مبالغ لا بأس فيها .
مصورين الاعراس والحفلات يطلعون مبالغ لا بأس فيها
بعض المصورين الاحترافيين يستغلون خبرتهم في تقديم محاضرات في بعض القطاعات ويطلعون مبالغ ممتازه
على سبيل المثال كان احد المصورين المحترفين اللي اعرفهم يقول لي نسوي محاضرتين في شركة مشهوره
عندنا في السعوديه ناخذ عليها 30000 ريال سعودي ما يقارب 9000 دولار امريكي
اما اسعار الكاميرات الاحترافيه فمثل ما تفضلت الاخت تختلف من ماركه لماركه والجديد
والمستعمل و امكانيات الكاميرات تغير الاسعار .
لكن كاميرات ال SLR الاحترافيه اللي نستخدمها في مثل هذه الصور اسعاره تقريبا تكون من 550 دولار الى 7000 دولار
من غير المعدات الثانيه المكلفه مثل اللينسات و الترايبود و عدة الاضاءه والصوت اذا تبين تستخدمين فيديو .
ايضا في كثير من الناس يدفعون مبالغ على برامج تعديل الصور مثل ادوبي فوتوشوب و لايت روم و غيرها .
بالنسبه لصور الفريزينق او السبلاش لها عدة طرق و مثل ما تفضلت الاخت تحتاجين كاميرا احترافيه .
ممكن تجربينها مع احد اصدقائك اللي يمتلكون كاميرات احترافيه .
سوي ورشة العمل التاليه .
حطي خلفيه سوداء مثلا لوحه او غيرها .
ثبتي الكاميرا على ترايبود و اضبطي فتحت العدسه و سرعة الاضاءه وجربي على يدك .
حطي الشتر سبيد بطيء ... مثلا ثانيتين و حطي النويز ريديكشن ثانيتتين .
طفي اي مصدر اضاءه موجود في الخرفه لازم يكون الضلام عاتم .
كبي الشي اللي تبين تسوين له سبلاش والقطي الصوره اللي راح تاخذ وقت طويل و انتي تكبين العصير مثلا
اضغطي على الفلاش تيست ... خليه يرمش مره وحده .
الكاميرا راح تسجل الصوره اللي اشتغل فيها الفلاش .
فيه طرق ثانيه ولكن هذي اشهر طريقه للفريزينق
صعب الشرح ... ههههههههههه
موفقه ان شاء الله .
التعديل الأخير تم بواسطة : مربية قطط بتاريخ 18-10-2012 الساعة 04:13 PM.
السبب: وضع الختم للرد المميز :)
|