[Loole]

المشاركة الأصلية كتبت بواسطة الدلع

وعليكم السلام ورحمة الله وبركاته
حياكِ الله
الأخوات والأخوان الي سبقوني ما قصروا الله يبارك فيهم
إذا كانت تغذية بسك طبيعية وما كنتِ تأكلينه تونه وسمك كثير ولا عنده سوء تغذية فأنصحك تراقبينه لما يروح لصندوق الرمل وتشوفين الله يكرمك هل برازه لين أو إسهال وأحياناً فيه مادة مثل زلال البيض تكون عادية أو معها دم فإذا شفتِ ذا الشي فمباشرة تروحين للبيطري وتعطينه جرعة ديدان ( ليس البيطري الي ياخذ الجرعة أقصد البس ) ( حبوب فقط وليس أبر ) .
أما إن كان برازه طبيعي فأكيد نفسيته تعبانه .. فقد يكون طالب تزاوج أو خايف من شي في بيتكم ابحثي وشوفي وشو
فيه حل إضافي لسالفة التخلص من الشعر العالق في القماش غير المذكور على الرابط والماء وهي المكنسة الصغيرة الكهربائية المستعملة غالباً لتنظيف السيارات خليها على القطعة الي فيها فرشة واستعمليها
لكن على العموم جميع هالحلول مؤقتة ولا تغني عن الحل الأساسي للمشكلة وهو علاج التساقط نفسه حتى ترتاحين من وجع الراس .. إضافة إلى إن إهمال علاج التساقط بيؤدي إلى إن البس ياكل كمية كبيرة من الشعر لما ينظف نفسه وممكن يستفرغه وممكن لا ويجيه انسداد لا سمح الله
موفقة وتحياتي لك

كم انت خبيره
شكرا لحرصك
ونصائحك قيمة بالنسبة لي
شكرا