|
رد: ارجو من الخبراء الدخول فورا
وعليكم السلام ورحمه الله وبركاته اخى
نبدء على بركة الله...
kangal dog
الكلب ده هو الكلب الوطنى لتركيا و ترجع أصولة للماستيف و هو بيستخدم فى حراسة الأغنام و الحيوانات الأليفة من الحيوانات المفترسة لكن هو بيختلف عن كلاب الرعى زى الجيرمن شيبرد و البوردر كولى أنه مش بيتحكم فى حركة القطيع
و لكن النوع ده من الكلاب بيدخل جوه القطيع و بيمشى على الأطراف كمان لحماية القطيع من أى مفترسين و بيكون مركز دايما على أى عدو قريب
* النوع ده من الكلاب بيعتبر حجمه كبير حيث يصل أرتفاع كتفه إلى 75 سم و و وزنه إلى أكثر من 60 كجم و الأناث بتبقى حجمها أصغر من الذكور و أنا شوفت فى النت كلاب منه بتوصل ل 90 كجم
* كلب الكانجال بيتميز بلونة الجميل و هو البيج الفاتح أو الفون و بيكون الوجه مميز بقناع أسود و فى بعض الكلاب بيبقى عندها مناطق بيضاء فى الصدر و الذقن و صوابع الرجلين و احيانا نفس المناطق بتكون غامقة و بتميل للسواد
* كلب الكانجال يعتبر أصغر من معظم انواع الماستيف و ده بيديلو سرعة عالية فى الجرى تصل إلى 50 كم/ساعة
* من طباع كلب الكانجال أنه كلب هادى , معتمد على نفسه , يمكن السيطرة عليه , دفاعى و كلب الكانجال بطبعته شكاك فى الغرباء و لكن أذا تم تدريبه بشكل صحيح و تنمية الجانب الأجتماعى عنده بيبقى كلب ودود جدا خاصة مع الأطفال
* كلب الكانجال من أفضل و أذكى كلاب الحراسة و من عادته أنه لما يكون فى نوبة حراستة بيطلع فى أعلى مكان يمكنه من رؤية المساحة اللى حول القطيع أو المكان اللى بيقوم بحراسته و فى الأيام الحر بيقوم بحفر حفرة و يجلس داخلها حتى تقيه من الشمس و يتمكن من متابعة الأفق بتركيز و أحيانا بيكون القطيع كبير و بيقوم بحراسته عده كلاب و فى هذه الحالة بيعملوا دايرة حول القطيع و بيبدلوا الأماكن مع بعض كل فترة و بيستخدمه صوتهم بليل لتنبية الأعداء لوجدهم
* كلب الكانجال لما بيحس بخطر بيقوم بالنباح لتنبية القطيع علشان يلتفوا حوله و بعد كده بيقف بين القطيع و المعتدى و اول ما يبقى القطيع فى امان بيقوم بتحذير الخصم و يجبره على التراجع و أذا الخصم رفض بيقوم بالهجوم عليه بدون تردد
* كلب الكانجال بيستخدم رجليه الأمامية فى الأطاحة بالخصم أرضا و بعد كده بيقطع رقبته أو رجليه اللى قدام و كلاب الكانجال مشهورة بقدرتها الكبيرة على قتل الذئاب
واتركك مع بعض الصور ^_^
واتركك مع بعض الفيديوهات
http://www.youtube.com/watch?v=r9p9OePLlPI
http://www.youtube.com/watch?v=GdVUnUiTwfQ
http://www.youtube.com/watch?v=wPB3w7rw08c
ارجو ان أكون افتدك أخى
أخٌـــوِكـ
مــيّـــدُوِ
__________________
سأتحمل-ظلمے آلناس-لكن-عندمآ-يأتيے دوريے-لن آرحمے-آحد
|