[عبووود أبو عيون سووود]

السلام عليكم و رحمة الله و بركاته
تحية طيبة و كل عام و أنتم بخير ،،،
عندي جوزين 2 بادجي
الجوز الأول : بادجي إسترالي عادي ( الحجم الصغير )
الجوز الثاني : بادجي هولندي ( الحجم الوسط )
المهم ما علينا من الجوز الثاني الهولندي الحين ، خلنيا في الجوز الأول الأسترالي الصغير
يا جماعة الخير لهم عندي أكثر من 6 شهور ، طقت كبدي و أنا أنتظرهم ينتجون ولا شفت شي
فيهم برود غرييييب جدا ً مع إنهم بالغين ولا يعانون من أي أمراض
الصحة و التغريد و الشعبطة و الحركة عال العال ما شاء الله
هم متوالفين و يأكلون بعض مو دايما ً في بعض الأحيان
بس للحين ما أنتجو ولا عمري شفتهم داخل البياضة أبدا ً
ما عمري شفت تلقيح أبدا ً
ما ياكلون بيض مسلوق أبدا ً ( أحط نص بيضه الصباح بدري و أجي قبل المغرب أحصلها سليمة زي ماهي ولا أحد أكل منها شي أبد ، مع إن الجوز الثاني الهولندي أجي المغرب ألقى قتات البيضة و أحيان كثيرة ما ألقى شي ما شاء الله )
الخس و البقدونس و جميع الأعشاب الخضراء ما ياكلوها ولا يقربو عليها أبدا ً ، بعكس الجوز الثاني الهولندي
و بعدين من يوم شريتهم 6 شهور و هم يقلشون ، جد و الله لا تحسبوني أبالغ
أنا أدري إن القلش يستمر شهر أو شهرين بالكثير ، لكن 6 شهور مو معقول أبدا ً أبدا ً
و ربي بإستمرار أشوف نابت لهم ريش جديد في الجبهه و حول العينين وحتى ريشة الذيل الطويلة ، و أرضية القفص معدومة بالريش القديم المتساقط منهم !!
المهم الجوز في مكان هادئ جدا ً و معلقين في الجدار على إرتفاع مترين و نص من الأرض ولا أحد يجيهم غيري ولا عندي بزران يؤذوهم ، يعني بالعربي مدلعين و مرفهين و ما أحد قدهم
كثير قالولي بيعهم ، بس أنا قلت ماني بايعهم و يا أنا يا هم ، بنتج منهم يعني بنتج منهم بإذن الله
السؤال الآن : كيف أحقق حلمي و أنتج منهم و أشوف فراخهم بأسرع وقت ممكن ؟
في أعضاء معنا هنا في القروب ما شاء الله تبارك الله عليهم أساتذه في الإنتاج و التفريخ
و أكيد لمن بدأو تجربتهم في الإنتاج واجهتهم مشاكل كثيرة زي حالتي و ممكن حالات أسوأ كمان بس تغلبو عليها
فأبغى منهم مشكورين يدلوني على الطريقة السليمة و الصحيحة للإنتاج و التفريخ عشان أحقق حلمي الذي بات مثل السراب
و أنا مستعد أتبع توجيهاتكم و إرشاداتكم الكريمة ، و أطبق كل اللي تقولولي عليه و راح أبدأ معاكم من الصفر و خطوة بخطوة مع بعض لين الله يفرجها
و هذه صور الجوز العنيييييد :









أفتونا جزاكم الله خيرا ً و آسف على الإطالة
أما بالنسبة للجوز الهولندي خليه بعدين في موضوع ثاني مستقل ، ماني مستعجل عليه الحين