[Hamsterlover123]

واللهي صعبة نحددلك اذا هيا حامل او لا انتي ادرى ..

بس ولا يهمك انا جاية اساعدك باللي عندي واتمنى الاعضاء الباقين يفيدوكي ..

شوفي اعراض الحمل :

1- تكون عدوانية معاكي ومع الذكر
2- يكون فيها توتر شدييييد
3-اول ايام الحمل تجلس تجري زي المجنونة كنو في شي مخوفها وفي اخر ايام الحمل يبدأ يجيها خمووول ونوم اغلب الوقت
4-ظهور اثداء
5-انتفاخ البطن << هامسترتي بطنها مو باين فيها النفخ فمو دايما تلاحظي انو بطنها بزيادة منفوخة
6-لو شلتيها تحسي بطنها قاسية ووزنها اثقل من الذكر
7-تجمع مناديل بكميات وتبني فيها عش
8-تخزين الاكل بمكان واحد
9-تشرب وتاكل بكمية كبيرة اكثر من الذكر

لو لاحظتي هذي العلامات تقدري تعرفي اذا حامل او لا وان شا الله تكون حامل ويبان مع الايام وبشرينا لو حملت وولدت

وبالنسبة للمكان الي حاطتهم في كويس دام متوفر مشربة الماء والاكل والعجلة والنشارة واماكن يتخبون وينامون فيها ويكون العلبة وسييعة واشياء الترفيه فيها كثير عشان ما يطفشو ..

وبالنسبة للانثى انها تعض الشباك تحاول فيها حتى حقتي كذا ما تشيلين همها مع انو لو قفص اريحلك قد ما تعض ما تقدر تفك انا حتى الذكر يحاول ..

اسفة ع الاطالة واتمنى اكون افدتك والاعضاء بيفيدونك اكثر